जथाभावी नबोल्न व्यवसायी र बैंकर्सलाई गभर्नरको चेतावनी

साउन २४, २०७५ बिहीबार १३:२३:५६ | उज्यालो सहकर्मी

काठमाडौं – नेपाल राष्ट्र बैंकका गर्भनर चिरञ्जिवी नेपालले जथाभावी नबोल्न व्यवसायी र बैंकर्सलाई चेतावनी दिनुभएको छ ।

बैंकर्स एशोसियसन र नेपाल आर्थिक पत्रकार समाज(सेजन)ले बिहीबार राजधानीमा गरेको अन्र्तरक्रियामा गर्भनर नेपालले समयानुकुलको फाइदा हेरेर व्यवसायी र बैंकर्सले दोहोरो कुरा गर्ने गरेको भन्दै त्यसो नगर्न चेतावनी दिनुभएको हो । पैसा धेरै भयो राष्ट्र बैंकले लिइदिनुपर्यो भन्दै अर्थमन्त्रीकोमा पुग्ने बैंकर्स र तरलताको समयमा ऋण नलिएर समयानुकल नाफामुखी अभिव्यक्ति दिने व्यवसायी दुवै उस्तै भएको भन्दै उहाँले दोहोरो भूमिकामा नदेखिन दुवै क्षेत्रलाई सचेत गराउनुभयो । साढे २ वर्ष अघि मात्रै आफुले व्यवसायीलाई बैकसंग पैसा लिएर काम गर्नु भन्दा नमानेको स्मरण गर्दे उहाँले भन्नुभयो, ‘दोहोरो बोल्ने काम नहोस् ।’

गर्भनर नेपालले वित्तीय क्षेत्रको पैसा गलत क्षेत्रमा नजाओस् भन्ने उद्देश्यले व्यत्तिगत ओभर ड्राफट्को प्रतिशत घटाइएको भएपनि व्यवसायीक ओभर ड्राफ्टमा भने कमि नआएको स्पष्ट पार्नुभयो । व्यवसायिक ओभर ड्राफ्टमा गरिने लगानीलाई पनि सुरक्षित बनाउनका लागि कुन कुन र के कस्तामा कति दिने भन्ने बारे अध्ययन भइरहेको बताउनुभयो । उहाँले ऋणको व्याजदर घट्दो क्रममा रहेकाले यही समयमा ऋण लिन व्यवसायीलाई सुझाव दिनुभयो ।

उहाँले संस्थागत निक्षेपका सम्बन्धमा राष्ट्र बैंकले निर्देशन जारी गरिसकेकाले आपसमा लुछाचुडी नगर्न वित्तीय क्षेत्रको ध्यानाकर्षण गराउनुभयो । निर्देशन अनुसार आफूहरुलाई अघि बढाउन सचेत गराउँदै उहाँले भन्नुभयो, ‘राष्ट्र बैंक कठोर रुपमा आउनु नपरोस् । अब्बल नम्बरको दर्जा पाएको क्षेत्रलाई पुलिस जस्तो गर्नुपर्यो भने के हुन्छ ?’

उहाँले आफ्नो दक्षता र क्षमता अनुसार स्थापित अब्बल दर्जाको साखलाई कायमै राख्न पनि वित्तीय क्षेत्रलाई सचेत गराउनुभयो ।

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्