युक्रेनसँग युद्ध शुरू भएपछि रुसी राष्ट्रपति पुटिन पहिलो पटक कुर्स्क क्षेत्रको भ्रमणमा

फागुन २९, २०८१ बिहीबार १८:२७:४९ | एजेन्सी

रुसी राष्ट्रपति भ्लादिमिर पुटिनले कुर्स्क क्षेत्रको भ्रमण गर्नुभएको छ । रुस–युक्रेन युद्ध शुरू भएपछि यो क्षेत्रमा उहाँको पहिलो भ्रमण हो । सार्वजनिक भएका तस्वीरहरूमा रुसी राष्ट्रपति पुटिन सैन्य पोशाकमा देखिनुभएको छ । रुसका चिफ अफ जनरल स्टाफले कुर्स्क क्षेत्रको ११ सय वर्ग किलोमिटर भूभाग युक्रेनको कब्जाबाट मुक्त गरिएको बताउनुभएको बीबीसीले जनाएको छ ।

युक्रेनले सन् २०२४ को अगस्टमा रुसको कुस्र्क क्षेत्रमा घुसपैठ गरी कब्जा गरेको थियो । त्यसपछि रुसले यहाँबाट हजारौं मानिसलाई यहाँबाट बाहिर निकालेको थियो । युक्रेनी राष्ट्रपति भोलोदिमिर जेलेन्स्कीले कुर्स्कको युद्धले बफर जोन बनाएको र पूर्वी युक्रेनमा रुसी सेना तैनाथ गर्न रोकेको बताउनुभएको छ ।

यसैबीच अमेरिकी राष्ट्रपति डोनाल्ड ट्रम्पका विशेष दूत युद्धविरामको बारेमा कुरा गर्न मस्को पुग्दै हुनुहुन्छ । अमेरिकी टोली वार्ताका लागि मस्को पुग्दै गर्दा रुसले कुर्स्क क्षेत्र पुनः प्राप्त गर्ने अन्तिम चरणमा रहेको बताएको छ । तर अहिलेसम्म अमेरिकी प्रस्तावमा पुटिनबाट कुनै प्रतिक्रिया नआएको बीबीसीको खबरमा उल्लेख छ ।

यसअघि साउदी अरेबियामा भएको वार्तापछि युक्रेनले ३० दिनको तत्काल युद्धविरामका लागि अमेरिकी प्रस्तावमा सहमति जनाएको थियो र ट्रम्पले अहिले रुसलाई यसका लागि मनाउन खोजिरहनुभएको छ ।

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युक्रेनसँग युद्ध शुरू भएपछि रुसी राष्ट्रपति पुटिन पहिलो पटक कुर्स्क क्षेत्रको भ्रमणमा

तस्वीर : क्रेमलिन

तपाईको प्रतिक्रिया