राष्ट्र बैंकले भन्यो : भूकम्प प्रभावितको धितो लिलामी नगर्नु

साउन १४, २०७५ सोमबार १९:१२:५४ | उज्यालो सहकर्मी

काठमाडौं – नेपाल राष्ट्र बैंकले भूकम्प प्रभावितको धितो लिलामी नगर्न बैंक तथा वित्तीय संस्थालाई निर्देशन दिएको छ ।

बैंकले आज निर्देशन जारी गर्दै भूकम्प प्रभावितले आवास पुनर्निमाणको लागि लिएको धितोको अर्को व्यवस्था नभएसम्म लिलामी नगर्न भनेको छ । राष्ट्र बैंकले २०७२ सालमा कार्यविधि बनाएर बैंकहरुलाई शून्य ब्याजदरमा पुनर्कर्जा दिने र बैंकले २ प्रतिशत ब्याजदरमा भूकम्प प्रभावितलाई ऋण दिने व्यवस्था गरेको थियो । गएको असार मसान्त सम्म १ हजार ११ जना भूकम्प प्रभावितले १ अर्ब ७९ करोड रुपैयाँ ऋण प्रवाह गरिसकेका छन् ।

ऋण तिर्ने २ वर्षको भाका सकिएपछि केही बैंक तथा वित्तीय संस्थाले भूकम्प प्रभावितको धितो लिलामी गर्न थालेका छन् । तर नेपाल राष्ट्र बैंकले आज सूचना निकालेर लिलामी नगर्न निर्देशन दिएको हो । राष्ट्र बैंकले बैंकहरुलाई १ वर्षको लागि शून्य ब्याजदमा पुनर्कर्जा दिने भए पनि थप १ वर्ष थपेको थियो । तर पुनर्कर्जाको म्याद सकिएपछि भने बैंकहरुले भूकम्प प्रभावितसँगबाट चर्को ब्याज असुल्दै आएका छन् ।

चर्को ब्याजसँगै धितो नै लिलामी हुन थालेको गुनासोपछि राष्ट्रबैंकले भूकम्प प्रभावितको धितो लिलामी नगर्न बैंक तथा वित्तीय संस्थालाई निर्देशन दिएको छ ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्