अवैधानिक रुपमा निर्यात हुने कपडामा रोक लगाउन सरकारसँग टेक्सटायल उद्योगको माग

असार २६, २०७५ मंगलबार १६:३५:४७ | उज्यालो सहकर्मी

काठमाडौं – निजी क्षेत्रबाट सञ्चालित मुुलुकको सबैभन्दा ठूलो मानिएको प्रगति टेक्सटायल उद्योगले अवैधानिक ढंगले निर्यात हुने कपडामा रोक लगाउन सरकारसँग माग गरेको छ ।

नेपालमा करिब ८० प्रतिशत कपडा अवैध ढंगले निर्यात हुने गरेको उल्लेख गर्दै उद्योगले त्यसमा रोक नलगाए नेपाली कपडा उद्योग धरासायी हुने चेतावनी समेत दिएको छ । विराटनगरमा करिब १ अर्ब लगानीमा सञ्चालन हुँदै आएको उद्योगका प्रशासन प्रमुख महेश पोखरेलले अवैध रुपमा भित्रने गरेका कपडा बन्द नभए नेपाली कपडा उद्योग धराशायी हुने अवस्थामा रहेको स्पष्ट पार्नुभयो ।

उहाँले सरकारले स्वदेश उद्योगको प्रवद्र्धन गर्न पनि कपडाको कच्चा पदार्थमा लगाउने गरेको अतिरिक्त भ्याटको व्यवस्था तत्काल हटाउन पनि माग गर्नुभयो । कपडा उद्योगमा सरकारले भर्खरै लगाएको अतिरिक्त शुल्क नहटाए नेपाली कपडा उद्योग चल्न नसक्ने उद्योगको दाबी छ ।

टेक्सटायल उद्योगले अहिले वार्षिक रुपमा १ करोड मिटर कपडा उत्पादन गर्दै आएको छ । कम्पनीका सञ्चालक जीतेन्द्र लोहियाले स्वदेशी कपडाको उत्पादकत्व बढाउने दिशामा मजदुर संगठनहरुले पनि पहल गर्नुपर्ने आवश्यक्ता औल्याउनुभयो । उहाँले स्वदेशमै कपडाको माग धान्न उत्पादन वृद्धि गर्नेतर्फ मजदुरहरु पनि लाग्नुपर्ने बताउनुभयो ।

उहाँले उत्पादनमा ध्यान नदिने तर सुविधाका लागि माग मात्रै गर्ने मजदुरहरुलाई बिदाई गर्ने नीति उद्योगको रहेको पनि स्पष्ट पार्नुभयो । यो उद्योगले भर्खरै ५ हजारभन्दा बढीलाई रोजगार दिएको छ । उद्योगका सञ्चालन लोहियाले उद्योग संचालनका लागि आवश्यक कर्मचारीहरुलाई दक्ष बनाउने काममा पनि सरकारलाई सहयोग गर्न आग्रह गर्नुभयो ।

स्वदेशी उद्योग भएर पनि त्यसलाई प्रवद्र्धन गर्न सरकारले प्राथमिकता नदिएको उद्योगको गुनासो छ । नेपालमा अहिले कपडा उद्योगबाट मात्रै २० अर्ब बढी राजस्व संकलन हुने गरेको बताइएको छ ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्