नक्कली सेयर कारोबार गर्नेलाई १० लाख जरिवाना गरिने

असार २५, २०७५ सोमबार १५:५२:२२ | उज्यालो सहकर्मी

काठमाडौं – सरकारले नक्कली सेयर कारोबार गर्नेलाई १० लाखसम्म जरिवाना गर्ने भएको छ ।

नेपाल धितोपत्र बोर्डले नक्कली सेयर कारोबारमा संलग्नलाई १० लाखसम्म जरिवाना गर्ने व्यवस्था गरेको हो । बोर्डले सोमबार आफ्नो नीति तथा कार्यक्रम सार्वजनिक गर्दै उत्पादनमूलक क्षेत्रमा सेयर कारोबार बढोत्तरी गराउन नीतिगत तथा संरचनागत व्यवस्था गर्ने जानकारी पनि गराएको छ । बोर्डका अध्यक्ष डा. रेवतबहादुर कार्कीले नक्कली सेयर कारोबार गर्नेहरुमाथि कडा कारबाही हुने गरी नीति तथा कार्यक्रम तय गरिएको बताउनु भयो ।

बोर्डले धितोपत्र बजारमा व्यापक जनसहभागिता बढाउन ‘एक नेपाली, एक डिम्याट खाता’ अभियान सञ्चालन गर्ने योजना पनि बनाएको छ ।

त्यसैगरी सबै स्थानीय तहमा पूँजी बजारमा लगानी बढाउन आवश्यक व्यवस्थाका लागि अध्ययन गर्ने लगायतका नीति तथा कार्यक्रम पनि तय गरेको छ ।
अध्यक्ष कार्कीले धितो बजारलाई व्यवस्थित बनाउन आवश्यक संरचना बनाउने योजना पनि तय गरिएको बताउनु भयो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्