प्रधानमन्त्री कप क्रिकेटमा आर्मी, पुलिस र सुदूरपश्चिम विजयी

फागुन २६, २०८१ सोमबार १७:४४:२८ | उज्यालो सहकर्मी

काठमाण्डाै – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगितामा आज भएका खेलमा त्रिभुवन आर्मी क्लब, नेपाल पुलिस क्लब र सुदूरपश्चिम प्रदेश विजयी भएका छन् ।

रुपन्देहीको सिद्धार्थ रङ्गशालामा भएको खेलमा आर्मीले बाग्मतीलाई १ सय ३४ रनले हरायो । आर्मीले दिएको २ सय ६३ रनको लक्ष्य पछ्याएको बाग्मतीले २७ ओभरमा १ सय २८ रनमा अलआउट भयो । बाग्मतीका विवेक मगरले ५१ रन बनाए । आर्मीका शाहब आलमले ४, आकाश चन्दले ३ विकेट लिए ।

यसअघि टस जितेर ब्याटिङ गरेको आर्मीले ५० ओभरमा ८ विकेट गुमाएर २ सय ६२ रन बनायो । आर्मीका सन्तोष कार्कीले ७६ रन बनाए । बाग्मतीका रिजन ढकाल, प्रतिस जिसी र ईशान पाण्डेले २/२ विकेट लिए । प्रतियाेगितामा आर्मीको यो विजयी शुरुआत हो भने बाग्मतीको लगातार दोस्रो हार हो ।

यस्तै रुपन्देहीकै एक्स्ट्राटेक ओभल मैदानमा भएको खेलमा पुलिसले लुम्बिनी प्रदेशलाई ८७ रनले हरायो । पुलिसले दिएको २ सय ५० रनको लक्ष्य पछ्याएको लुम्बिनीले ५० ओभरमा ९ विकेट गुमाएर १ सय ६२ रन बनायो । लुम्बिनीका प्रज्ज्वल थापाले ७२ रन बनाए । पुलिसका सागर ढकालले ३ तथा ललित राजवंशी र दीपेन्द्रसिंह ऐरीले २/२ विकेट लिए ।

यसअघि टस जितेर ब्याटिङ गरेको पुलिसले ५० ओभरमा ६ विकेट गुमाएर २ सय ४९ रन बनायो । पुलिसका कुशल भुर्तेलले ५९, आरिफ शेखले ५६ रन बनाए । लुम्बिनीका कृष्ण कार्की र अजय चौहानले ३/३ विकेट लिए । प्रतियाेगितामा पुलिसको यो विजयी शुरुआत हो भने लुम्बिनीको दोस्रो खेलमा पहिलो हार हो ।

यस्तै दाङको देउखुरी रङ्गशालामा भएको खेलमा सुदूरपश्चिमले गण्डकी प्रदेशलाई ६ विकेटले हरायो । गण्डकीले दिएको २ सय २१ रनको लक्ष्य सुदूरपश्चिमले ४ विकेट गुमाएर ४२ बलअघि नै भेटायो । सुदूरपश्चिमका किरण ठगुन्नाले शतक बनाए । यो संस्करणको प्रतियोगितामा यो पहिलो शतक हो । किरण १ सय १ बलमा १ सय २१ रनमा नटआउट रहे । गण्डकीका विपिन खत्री, अमृत गुरुङ, कमल परियार र अर्जुन कुमालले १/१ विकेट लिए ।

यसअघि टस जितेर ब्याटिङ गरेको गण्डकीले ५० ओभरमा ८ विकेट गुमाएर २२० रन बनायो । गण्डकीका दीपक डुम्रेले ६०, अर्जुन कुमालले ५७ रन बनाए । सुदूरपश्चिमका शेर मल्लले ३ विकेट लिए । प्रतियाेगितामा सुदूरपश्चिमको यो दोस्रो खेलमा पहिलो जीत हो भने गण्डकीले हारसहित शुरुआत गरेको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री कप क्रिकेटमा आर्मी, पुलिस र सुदूरपश्चिम विजयी

तस्वीर : क्यान

तपाईको प्रतिक्रिया