निर्वाचन आयुक्तमा सिफारिस कृष्णमान प्रधानबारे आज संसदीय समितिले निर्णय गर्दै

साउन १४, २०८१ सोमबार ९:२३:१५ | उज्यालो सहकर्मी

काठमाण्डौ – निर्वाचन आयुक्तमा सिफारिस विवादास्पद कृष्णमान प्रधानबारे संसदीय सुनुवाई समितिले आज निर्णय गर्दैछ । प्रधानमाथि यौन शोषणको आरोप लागेको र यसबारेको मुद्दामा मिलापत्र गरेको प्रमाणसमेत भएकाले निर्वाचन आयोगको आयुक्त बनाउन योग्य नभएको सांसदहरुको राय छ ।

पाँच दिनअघि प्रधानको सुनुवाइ गरेको समितिले शीर्ष तहको परामर्श लिने भन्दै निर्णय गरेको थिएन । सुनुवाइ समितिका धेरै सदस्यहरू यौन शोषण मुद्दा पैसा दिएर मिलापत्र गरेका प्रधानको उच्च नैतिक चरित्र नभएको र प्रधानले दिएको जवाफ समेत चित्तबुझ्दो नभएकाले निर्वाचन आयुक्तमा सिफारिस गर्न नहुने पक्षमा छन् ।

यसबारे सदस्यहरूले आ–आफ्ना दलभित्र परामर्श गरेका छन् । समिति सदस्यहरूले विवेक पुर्‍याएर परिपक्व निर्णय हुने बताएका छन् । नेपाल कानुन समाजका कार्यकारी निर्देशक प्रधानले आफ्नै कार्यालयमा कार्यरत महिलालाई प्रलोभन दिएर पटक–पटक यौन शोषण गरेको र पैसा दिएर मिलापत्र गरेको भन्दै पीडितबाट समितिमा उजुरी परेको थियो ।

पीडितसहित चारवटा उजुरी परेकोमा समितिले उजुरीकर्तासँग छलफल गर्दा घटना भएको तथ्य प्रमाण फेला पारेको थियो । गएको असार २ गते संवैधानिक परिषदको बैठकले प्रधानको नाम निर्वाचन आयुक्तका लागि सिफारिस गरेको थियो ।

अन्तिम अपडेट: फागुन १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

निर्वाचन आयुक्तमा सिफारिस कृष्णमान प्रधानबारे आज संसदीय समितिले निर्णय गर्दै

फाइल तस्बिर

तपाईको प्रतिक्रिया