अनलाइन शेयर कारोबारको एक महिना : नेप्से ८५ अंकले घट्यो

मंसिर २१, २०७५ शुक्रबार १८:१८:२७ | उज्यालो सहकर्मी

काठमाडौं – अनलाइन प्रणालीमार्फत कारोबार सुरु भएको एक महिनाको अवधिमा नेप्से परिसूचक ८५ अंकले घटेको छ ।

कात्तिक २० गते १२ सय ५ दशमलव ७९ अंकमा रहेको परिसूचक बिहीबारको कारोबारसम्म आइपुग्दा ११ सय २० दशमलव ८४ अंकमा आइपुगेर बन्द भएको नेपाल स्टक एक्सचेन्ज ‘नेप्से’ले जनाएको छ ।

अनलाइन प्रणालीमार्फत कारोबार सुरु भएसँगै धितोपत्र बजार निरन्तर ओरालो लागेको थियो । सुधारिएको दिनमा पनि परिसूचक सामान्य सुधारिएको थियो ।अनलाइन प्रणालीमार्फत कारोबार सुरु भएपछि अत्याधिक सुधार हुने अपेक्षा गरिएको भएपनि त्यसो हुन नसकेको हो । यस्तै पूर्ण स्वचालित अनलाइन कारोबार प्रणालीमा देखिएको समस्या समाधान भएको नेपाल स्टक एक्सचेञ्जले जनाएको छ ।

प्राविधिक समस्या देखिएपछि स्टक, धितोपत्र दलाल व्यवसायी र प्रणाली निर्माणकर्ता कम्पनीको समन्वयमा समस्या समाधान गरिएको एक्सचेन्जका प्रवक्ता मुरहरि पराजुलीले जानकारी दिनुभयो ।

नयाँ प्रणालीको माध्यमबाट व्यवसायीले लगानीकर्ताको खाता खोल्ने, कारोबार जोखिम व्यवस्थापन गर्ने, ब्रोकर कार्यालयका कर्मचारीको आन्तरिक व्यवस्थापन, पोर्टफोलियो व्यवस्थापनलगायत काम गर्ने सक्ने व्यवस्था गरिएको छ ।

२०७२ सालदेखि कागजी शेयर प्रमाणपत्रलाई विद्युतीय स्वरुपमा ढालेर कागजरहित बनाएको थियो ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्