ललितपुर सिटी एफसीका प्रशिक्षक ग्रेसनसहित दुई जना खेलाडी नेपाल आइपुगे

 फागुन २७, २०८१ मंगलबार १२:४२:४४ | उज्यालो सहकर्मी
unn.prixa.net

तस्वीर : ललितपुर सिटी एफसी

काठमाण्डौ – नेपाल सुपर लिग (एनएसएल) को साविक विजेता ललितपुर सिटी एफसीका प्रशिक्षक साइमन ग्रेसन नेपाल आइपुगेका छन् ।

यूएएफएका प्रो–लाइसेन्स प्राप्त प्रशिक्षक ग्रेसनलाई ललितपुरले यो सिजनका लागि अनुबन्ध गरेको हो । उनले खेल जीवनमा लामो समय लेस्टर सिटी, ब्ल्याकपुल, एस्टन भिल्ला र ब्ल्याकबर्नबाट व्यावसायिक फुटबल खेलेका थिए । उनले सन् १९९६ को इङ्लिस लिग कप जितेका थिए ।

प्रशिक्षकका रूपमा ग्रेसनले लिड्स युनाइटेडलाई इङ्ग्लिस लिगको दोस्रो डिभिजन च्याम्यिनशिपमा छनोट गराउनुका साथै लिड्स, हर्डसफिल्ड र प्रेस्टन नर्थलाई च्याम्पियनशिपमा उकालेका थिए ।

ग्रेसनले भारतको इन्डियन सुपर लिग (आईएसएल) टोली बेंगलुरु एफसीको प्रशिक्षण सम्हालेका थिए । उनको प्रशिक्षणमा बेंगलुरुले डुरान्ड कप जितेको थियो भने आईएसएल र सुपर कपको फाइनल खेलेको थियो ।

त्यस्तै ललितपुरबाट एनएसएल खेल्न प्यालेस्टिनी मिडफिल्डर जोनाथन कान्टिलाना र हाइटीका फरवार्ड केर्भेन्स बेलफोर्ट पनि नेपाल आइसकेका छन् ।

सन् २०१० देखि २०१७ सम्म हाइटीको राष्ट्रिय टोलीमा रहेका बेलफाेर्टले १४ गोल गरेका थिए । बेलफोर्टले अघिल्लो सिजन बङ्गलादेश प्रिमियर लिग क्लब कालिकट एफसीबाट खेलेका थिए ।

एशिया र मध्यपूर्वका विभिन्न शीर्ष लिगमा खेलेको अनुभव बटुलिसकेका जोनाथनलाई ललितपुरले तेस्रो विदेशी खेलाडीको रूपमा टोलीमा भित्र्याएको हो । यसपटक आउँदो चैत १६ गतेदेखि एनएसएल शुरू हुनेछ ।

अन्तिम अपडेट: फागुन २८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

नेपालकाे विकासमा भूकम्प बाधक : राष्ट्रपति पाैडेल

२

परराष्ट्रमन्त्री राणा भारत प्रस्थान

३

महिलाको हत्या गरी शव बोरामा राखेर बागमतीमा फ्याँकेको आरोपमा थप एक जना पक्राउ

४

फोहोर गरेबापत राप्रपाले काठमाण्डौ महानगरलाई एक लाख रुपैयाँ जरीवाना तिर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई