कोठामा हुने ढुसीका कारण स्वास्थ्यमा गम्भीर असर पर्न सक्ने

दैनिक कम्तीमा ३० मिनेट झ्याल खुला राख्न सुझाव

फागुन १२, २०८१ सोमबार १५:१२:४९ | उज्यालो सहकर्मी

काठमाण्डाै – कोठाभित्र हुने ढुसीले स्वास्थ्यमा गम्भीर असर गर्न सक्ने विश्व स्वास्थ्य सङ्गठन (डब्ल्यूएचओ) ले जनाएको छ । डब्ल्यूएचओका अनुसार केही ढुसी विषालु हुने भएकाले त्यसले फोक्सोमा असरसँगै क्यान्सरजस्ता दीर्घकालीन गम्भीर समस्याहरू निम्त्याउन सक्छ ।

सन् २०२४ मा च्यारिटी आस्मा एन्ड लङ्ग बेलायतले फोक्सोको समस्या भएका ३ हजार ६ सय ५२ जना मानिसमा गरेको सर्वेक्षणमा एक चौथाइ बच्चाहरू र झन्डै आधा वयस्कहरूमा ढुसीका कारण हुने दमको समस्या देखिएको थियो । यो समस्या संसारमा धेरै ठाउँमा छ ।

ढुसी एक किसिमको सूक्ष्म जीव हो । यो हावामार्फत फैलन्छ । भित्तामा कालो, सेतो वा हरियो धब्बा देखिनु घरमा ढुसी बढिरहेको सङ्केत हो । यो चिसो ठाउँमा देखिन्छ अनि गन्ध पनि आउँछ ।

एक अध्ययन अनुसार ४७ प्रतिशत घरमा ढुसी देखिन्छ । विस्तृत अध्ययन नभए पनि नेपालमा थुप्रै घरहरूमा ढुसीको समस्या पाइन्छ । ढुसी खास भित्ता, भुँइ वा फर्निचरको पछाडि जस्ता गरी नदेखिने ठाउँहरूमा विकास हुन्छ ।

अनुसन्धानकर्ताहरूले जलवायु परिवर्तनले वर्षा र आद्रता बढाउँदा ढुसीको समस्या अझ धेरै हुने सम्भावना रहने बताएका छन् । ढुसीको समस्याबाट जोगिन जाडो महिनामा पनि दिनमा कम्तीमा ३० मिनेट सबै झ्यालहरू खुला राख्न, शौचालय तथा नुहाउने कोठामा हावा बाहिर फ्याल्ने पङ्खा राख्न र खाना पकाउँदा भान्साको झ्यालहरू खोल्न विज्ञहरूको सुझाव छ ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कोठामा हुने ढुसीका कारण स्वास्थ्यमा गम्भीर असर पर्न सक्ने

दैनिक कम्तीमा ३० मिनेट झ्याल खुला राख्न सुझाव

फाइल फाेटाे

तपाईको प्रतिक्रिया