चिनियाँ सामानमा शुल्क लगाउने अमेरिकी चेतावनीले कसैलाई पनि फाइदा हुँदैन : चीन

माघ ९, २०८१ बुधबार १८:२४:५५ | एजेन्सी

चीनले आफ्नो देशका सामानमा शुल्क लगाउने अमेरिकाको चेतावनीले कसैलाई पनि फाइदा नहुने प्रतिक्रिया दिएको छ ।

अस्तिमात्रै शपथ लिएर कार्यकाल शुभारम्भ गर्नुभएका अमेरिकी राष्ट्रपति डोनाल्ड ट्रम्पले चिनियाँ सामानमा तत्कालका लागि १० प्रतिशत शुल्क लगाउने र भविष्यमा शतप्रतिशतसम्म पुर्‍याउनसक्ने बताउनुभएको थियो । विशेषगरी चिनियाँ विद्युतीय गाडी र विद्युतीय सामग्रीले अमेरिकी उत्पादन छायाँमा परेकाले शुल्क लगाउने ट्रम्पको भनाइ थियो ।

तर चिनियाँ विदेश मन्त्रालयले भने शुल्क लगाउँदैमा वा बढाउँदैमा अन्तर्राष्ट्रिय व्यापारको क्षेत्रमा कसैको जीत नहुने बताएको हो । चिनियाँ विदेश मन्त्रालयका प्रवक्ता माओ निङले यदि अमेरिकाले शुल्क लगाएमा चीनले पनि आफ्नो राष्ट्रिय हितको रक्षा गर्न कदम चाल्ने बताउनुभएको छ । ‘हामीले सधैँ विश्वास गरेका छौँ कि व्यापार युद्ध वा ट्यारिफ युद्धमा कुनै पनि विजेता हुँदैनन्’, प्रवक्ता निङले भन्नुभएको छ ।

चीनले लागूऔषधको तस्करी रोक्न नसकेको भन्दै ट्रम्प आक्रोशित हुनुभएको छ । चिनियाँ सामानमा थप शुल्क आउँदो फेब्रुअरी १ तारिखदेखि लागू हुने सम्भावना छ । ट्रम्पले क्यानडा र मेक्सिकोका साथै युरोपेली देशहरूमा पनि आयात कर लगाउने धम्की दिँदै आउनुभएको छ ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चिनियाँ सामानमा शुल्क लगाउने अमेरिकी चेतावनीले कसैलाई पनि फाइदा हुँदैन : चीन

साङ्केतिक तस्वीर

तपाईको प्रतिक्रिया