नेपाल कबड्डी लिगमा काठमाण्डौ र जनकपुर विजयी, आज धनगढी र पोखरा खेल्दै

माघ ९, २०८१ बुधबार ६:२७:२९ | उज्यालो सहकर्मी

काठमाण्डौ – नेपाल कबड्डी लिग (एनकेएल) मा जनकपुर नाइट्स र काठमाण्डौ माभरिक्स विजयी भएका छन् ।

त्रिपुरेश्वरमा रहेको राष्ट्रिय खेलकुद परिषदको कभर्डहलमा हिजो बेलुका भएको खेलमा जनकपुर नाइट्सले तेस्रो जीत हासिल गरेको छ । जनकपुरले हिजो विराटनगर ब्यान्डिट्सलाई ४०–३८ को स्कोरमा पराजित गरेको हो । जीतसँगै जनकपुर जारी प्रतियोगितामा तीन खेलबाट १५ अङ्क जोड्दै शीर्ष स्थानमा उक्लिएको छ ।

यस्तै त्यसअघि सम्पन्न पहिलो खेलमा काठमाण्डौले दोस्रो जीत हासिल गरेको छ । काठमाण्डौले हिमालयन राइडर्सलाई ५६–३४ को स्कोरमा पराजित गरेको हो । जीतसँगै काठमाण्डौले जारी प्रतियोगितामा तीन खेलबाट ११ अङ्क जोडेको छ । पराजित हिमालयनको समान खेलबाट पाँच अङ्क छ ।

आज बेलुका साढे ६ बजे धनगढी वाइल्डक्याट्स र पोखरा लेकर्स खेल्दैछन् । एनकेएलको पहिलो सिजनमा विराटनगर ब्यान्डिट्स, जनकपुर नाइट्स, काठमाण्डौ माभरिक्स, पोखरा लेकर्स, हिमालयन राइडर्स र धनगढी वाइल्डक्याट्स सहभागी छन् ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्