च्याम्पियन्स ट्रफीमा अफगानिस्तानसँगको खेल बहिष्कार गर्न 'ईसीबी' सँग बेलायतका राजनीतिज्ञहरूको आग्रह

पुष २३, २०८१ मंगलबार १८:१७:१६ | एजेन्सी

बेलायतका एक सय ६० जनाभन्दा धेरै राजनीतिज्ञले आउँदो महिना हुने आईसीसी च्याम्पियन्स ट्रफीमा अफगानिस्तानसँगको खेल बहिष्कार गर्न इङ्गल्यान्ड एन्ड वेल्स क्रिकेट बोर्ड (ईसीबी) लाई आग्रह गरेका छन् ।

सन् २०२१ मा सत्तामा फर्किएपछि तालिबान सरकारले महिलाहरूमाथि विभेद गरेको भन्दै बेलायतका राजनीतिज्ञहरूले आफ्नो टोलीले अफगानिस्तानसँगको खेल बहिष्कार गर्नुपर्ने बताएका अन्तर्राष्ट्रिय सञ्चारमाध्यमले जनाएका जनाएका छन् ।

च्याम्पियन्स ट्रफीको नवौं संस्करण आउँदो फेब्रुअरी १९ देखि मार्च ९ तारिखसम्म पाकिस्तानमा आयोजना हुँदैछ । यो प्रतियोगितामा इङ्गल्यान्ड र अफगानिस्तान एउटै समूहमा परेका छन् । समूह ‘बी’ मा रहेका इङ्गल्यान्ड र अफगानिस्तानबीचको खेल फेब्रुअरी २६ तारिखमा पाकिस्तानको लाहोरमा हुने तालिका छ ।

तर बेलायतका राजनीतिज्ञहरूले इङ्गल्यान्डको टोलीलाई अफगानिस्तानसँगको खेल बहिष्कार गर्न सुझाव दिँदै ईसीबीलाई पत्र पठाएका हुन् । उनीहरूले च्याम्पियन्स ट्रफीमा अफगानिस्तानसँगको खेल बहिष्कार गर्न ईसीबीलाई दबाब दिँदै आएका छन् ।

लेबर पार्टीकी सांसद टोनिया एन्टोनियाजीले अफगानिस्तानमा महिला र बालिकाहरूमाथि भइरहेको दुव्र्यवहारविरुद्ध बोल्न पत्रमार्फत इङ्गल्यान्डका खेलाडी र अधिकारीहरूलाई आग्रह गर्नुभएको छ ।

अफगानिस्तानमा तालिबान सरकारले महिला र बालिकाहरूमाथि गर्दै आएको व्यवहारको बेलायतसँगै अन्य देशले पनि विरोध गर्दै आएका छन् । यसैबीच इङ्गल्यान्ड एन्ड वेल्स क्रिकेट बोर्डले समस्याको समाधान खोज्ने प्रयास गरिरहेको बताएको छ ।

अन्तिम अपडेट: पुस २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

च्याम्पियन्स ट्रफीमा अफगानिस्तानसँगको खेल बहिष्कार गर्न 'ईसीबी' सँग बेलायतका राजनीतिज्ञहरूको आग्रह

गेटी इमेजेज

तपाईको प्रतिक्रिया