बुढीगण्डकी आयोजना चिनियाँ कम्पनीलाई दिन बाध्य छैनौं : उर्जा मन्त्री पुन

असोज ९, २०७५ मंगलबार १८:८:४० | उज्यालो सहकर्मी

काठमाडौं – उर्जा, जलस्रोत तथा सिंचाई मन्त्री वर्षमान पुनले बुढीगण्डकी जलविद्युत आयोजना चिनियाँ कम्पनीलाई दिने सरकारको निर्णयबाट पछि हट्न सकिने संकेत गर्नु भएको छ ।

राष्ट्रिय गौरवको बुढीगण्डकी जलविद्युत आयोजना चिनियाँ कम्पनी गेजुवालाई निर्माण गर्न दिने निर्णयको चर्को आलोचना भइरहेका बेला उहाँले त्यो निर्णयबाट सरकार पछि हट्न सक्ने बताउनुभएको हो ।

मंगलबार प्रतिनिधिसभा कृषि, सहकारी तथा प्राकृतिक स्रोत समितिको बैठकमा सांसदहरुले राखेको जिज्ञासाको जवाफ दिँदै मन्त्री पुनले बुढीगण्डकी जलविद्युत आयोजना विदेशी कम्पनीलाई दिनु नेपालको बाध्यता भएको स्मरण गराउनुभयो ।

उहाँले राष्ट्रहित प्रतिकूल हुने गरी कुनै काम गर्न परे सरकार बुढीगण्डकी जलविद्युत आयोजना चिनियाँ कम्पनीलाई दिने निर्णय मान्न बाध्य नहुने पनि स्पष्ट पार्नुभयो ।

मन्त्री पुनले सरकारले आफ्नो स्रोत र साधनले धान्न नसक्ने परियोजनामा मात्रै विदेशी ऋण लिने नीति लिएको पनि समितिलाई जानकारी दिनुभयो । सरकारले बुढीगण्डकी जलविद्युत आयोजनाको निर्माणका लागि चिनियाँ कम्पनी गेजुवालाई २ खर्ब ६३ अर्बमा ठेक्का दिने निर्णय गरेको थियो ।

मन्त्री पुनले आयोजनामा राष्ट्रिय हित विपरितका गतिविधि हुन नदिने प्रतिवद्धता व्यक्त गर्नुभयो ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्