चाँगुनारायण नगरपालिकाको बाग्मती प्रदेशस्तरीय धिमे बाजा प्रतियोगिताको उपाधि ताथली धिमे खलले जित्यो

पुष २१, २०८१ आइतबार १५:२४:२१ | रासस

भक्तपुर – भक्तपुरको चाँगुनारायण नगरपालिकाले आयोजना गरेको प्रथम बाग्मती प्रदेशस्तरीय धिमे बाजा प्रतियोगितामा ‘ताथली धिमे खल’ विजेता बनेको छ ।

नगरकोट महोत्सव–२०८२ लाई लक्षित गर्दै चाँगुनारायण–९ ताथली फाँटमा सम्पन्न प्रतियोगितामा वडा नम्बर ९ सौडोलमा रहेको ताथली धिमे खलले नगद ५० हजार रुपैयाँसहित शिल्ड, एक थान धिमे बाजा, दुई थान भुछ्या र शिछ्या प्राप्त गरेको हो । प्रतियोगितामा दोस्रो हुने ताथलीको तैकाभु गणेश सांस्कृतिक समूहले नगद २५ हजार रुपैयाँसहित शिल्ड, एक थान धिमे बाजा, भुछ्या र शिछ्या एक/एक थान पुरस्कारका रूपमा प्राप्त गरेको छ । भक्तपुर नगरपालिकाको नियो भिजन बाजा समूहले तेस्रो हुँदै नगद १० हजार रुपैयाँसहित शिल्ड, एक थान धिमे बाजा, एक थान भुछ्या प्राप्त गरेको आयोजकले जनाएको छ ।

प्रतियाेगितामा काभ्रेपलाञ्चोक बनेपाको ‘देउला बाँसुरी चाैथाे, बनेपाकै वान्ख्यो दाफा भजन खल पाँचाैं, पनौतीको लायकु धिमे खल छैटाैं, मध्यपुरथिमिको शिवा सायमी खल साताैं, ललितपुर लुभुको तलेजु बाजा खल आठाैं, काठमाण्डाैको बालकुमारी धिमे खल नवाैं र ताथली सौडोलको सौडोल सांस्कृतिक बाजा खल दशाैं भएका छन् ।

प्रतिनिधिसभाका सांसद दुर्लभ थापाले विजयी समूहलाई आज पुरस्कार प्रदान गर्नुभएको हाे । उहाँले नगरपालिकाले २०८२ साल वैशाखदेखि सञ्चालन हुने ‘नगरकोट भ्रमण वर्ष’ सफल पार्न यो प्रतियोगिताले महत्त्वपूर्ण सन्देश प्रवाह गरेको बताउनुभयो ।

चाँगुनारायणका मेयर एवम् कार्यक्रमका सभापति जीवन खत्रीले पालिकाले पहिलो पटक यस किसिमको प्रतियोगितामार्फत ऐतिहासिक कार्य सम्पन्न गरेका बताउनुभयो । प्रतियोगितामा बाग्मती प्रदेशभित्रका भक्तपुर, काठमाण्डाै, ललितपुर, काभ्रेपलाञ्चोक, सिन्धुपाल्चोक, रामेछापलगायत जिल्लाका विभिन्न पालिकाका ५५ वटा समूहको सहभागिता रहेको थियो ।

अन्तिम अपडेट: पुस २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्