कुवेतमा नेपाली श्रमिकका सेवा सुविधा सुनिश्चित गर्न रोजगारदातालाई दूतावासको आग्रह

पुष २६, २०७८ सोमबार १६:२:१९ | उज्यालो सहकर्मी

काठमाण्डौ – कुवेतमा रहेका नेपाली श्रमिकलाई सेवा सुविधाबाट वञ्चित नगर्न स्थानीय रोजगारदातासँग नेपाली दूतावासले आग्रह गरेको छ ।

कुवेतमा रहेको नेपाली दूतावासमा स्थानीय रोजगारदाता र दूतावासबीच गएको शनिबार भएको एक छलफल कार्यक्रममा राजदूत दुर्गाप्रसाद भण्डारीले यस्तो आग्रह गर्नुभएको हो । उहाँले जोखिमयुक्त कार्यक्षेत्रमा खटाउनुपूर्व सुरक्षाको उपायहरु अपनाउनुपर्ने, श्रमिकको तलबभत्ता तथा सेवा सुविधा तोकिएकै समयमा दिनुपर्ने विषयमा रोजगारदाताको ध्यानाकर्षण गराउनुभएको दूतावासले जनाएको छ ।

यस्तै उहाँले कम्पनी र श्रमिकबीच भएको करार सम्झौताअनुसारको खाना तथा आवासको व्यवस्था गर्न र कम्पनीको बारेमा म्यानपावर एजेन्सीसँग छलफल गरि स्पष्ट पारिनुपर्नेमा पनि जोड दिनुभयो ।

कार्यक्रममा सहभागीका तर्फबाट राजगारदाताहरुले नेपाली श्रमिकको प्रशंसा गर्दै उनीहरुलाई दिने सेवा सुविधा तथा सुरक्षाको प्रतिवद्धता पनि व्यक्त गरेको दूतावासले जनाएको छ ।

अन्तिम अपडेट: पुस १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्