क्यान्सरसँग लडिरहेकी सोनाली बेन्द्रेको ‘मुडुलो’ रुप बन्यो सामाजिक सञ्जालमा भाइरल

भदौ २२, २०७५ शुक्रबार १८:०:४४ | एजेन्सी

न्यूयोर्कमा क्यान्सर रोगको उपचार गराइरहेकी चर्चित भारतीय नायिका तथा टेलिभिजन प्रस्तोता सोनाली बेन्द्रेको ‘मुडुलो’ टाउको भएको तस्बिर सामाजिक सञ्जालमा एकदमै भाइरल बनिरहेको छ ।

‘मेटास्टेटिक’ क्यान्सर रोगबाट पीडित बेन्द्रे अहिले न्यूयोर्कमा क्यान्सरको उपचार गराइरहेकी छिन् । उपचारका क्रमका हरेक अनुभव तथा फोटोहरु उनी आफ्ना फ्यानहरुसँग सेयर गरिराख्छिन् । किमोथेरापीको कारणले कपाल खुइलिएपछि उनले कानमा ठूलो मुन्द्रा लगाएर खिचेको फोटो इन्स्टाग्राममा सेयर गरेकी थिइन् । उक्त तस्बिरमा उनले हातमा ‘जेन्टलमेन इन मस्को’ भन्ने किताब समातेकी छिन् । जुन तस्बिर सामाजिक सञ्जालमा धेरै नै भाइरल भइरहेको छ ।

उनले फोटोमा सोनाली बुक क्लबलाई उद्धृत गर्दै क्याप्सनमा भनेकी छिन्, ‘आज ‘रिड अ बुक डे’ हो । एसबीसी (सोनाली बुक क्लब) को लागि अर्को किताबको घोषणा गर्न यो भन्दा राम्रो तरिका के हुन सक्छ ? यो रुसको एक ऐतिहासिक कथा हो । जसलाई ‘अ जेन्टलम्यान इन मस्को’ भनिन्छ । यो किताबलाई एमोर टोलेसले लेखेका हुन् । यसको सुरुवात एकदमै मन छुने प्रकारको लाग्दैछ । र म अब बाँकी किताब पढ्न गइरहेकी छू ।’

View this post on Instagram

Today is #ReadABookDay and what better way to celebrate it than by announcing the next book for #SBC! This one is a historical fiction set in Russia called "A Gentleman in Moscow" by @amortowles. The premise sounds pretty interesting, and I can't wait to start reading it! #SonalisBookClub

A post shared by Sonali Bendre (@iamsonalibendre) on Sep 6, 2018 at 3:43am PDT

सोनालीले थुप्रै भारतीय चलचित्रमा काम गरिसेकेकी छिन् । उनले सन् १९९४ मा ‘आग’ फिल्मबाट आफनो फिल्म करियर सुरु गरेकी थिइन् ।

सन् २०१३ मा अन्तिम फिल्म ‘वन्स वपन अ टाइम इन मुम्बई दोबारा’ खेलेकी थिइन् । साथै उनले गद्दार, दिलजले, भाइ आदिजस्ता चर्चित भारतीय चलचित्र पनि खेलेकी छिन् ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्