सिँचाइ पोखरी बनेपछि किसानमा छायो खुसी

साउन २, २०७८ शनिबार १८:४५:२ | माधवकुमार ओली

रोल्पा – सुख्खायाममा सिँचाइको अभाव खेप्दै आएका रोल्पाको सुनिलस्मृति गाउँपालिका–२ हिलेका स्थानीयलाई अब भने सहज हुने भएको छ ।

पहाडी साना किसानका लागि अनुकूलन आयोजनाको सहयोगमा सिँचाइ पोखरी निर्माण भएपछि कृषकहरु उत्साहित भएका छन् । सिम सिँचाइ योजना निर्माण भएपछि हिले गाउँका स्थानीयलाई सिँचाइ सुविधा पग्ने भएको हो । जम्मा १३ घरधुरी भएको यो गाउँको ६५ रोपनी जमिनमा कृषि उत्पादन हुँदै आएको छ । सुख्खायाममा सिँचाइ अभावले कृषि उत्पादनमा असर पर्ने गरेकोमा अब भने बाह्रै महिना सिँचाइ सुविधा पुग्ने भएको छ । सिँचाइ सुविधा पुगेसँगै यसअघि अन्नबाली लगाउँदै आएका यहाँका कृषकहरुले अब तरकारी बाली लगाउने योजना बनाएका छन् ।

‘सुख्खायाममा पानीको मुहान सुकेर सिँचाइमा समस्या थियो’ सिम सिँचाइ पोखरी निर्माण उपभोक्ता समितिका अध्यक्ष अशोक कुमार गिरीले भन्नुभयो, ‘अबदेखि हामीले हिँउदमा पनि लसुन, प्याज, टमाटर लगायतका तरकारी बाली लगाउने सोच बनाएका छौं ।’

जम्मा ५ लाख ११ हजार लागतमा निर्माण सम्पन्न भएको सिँचाइ पोखरीले सुख्खायाममा पनि पानी जम्मा गरेर सिँचाइ सुविधा पुर्याउन सहज हुने भएको छ । सिँचाइ सेवा पुगेसँगै व्यावसायिक कृषिमा लाग्ने कृषकहरुका लागि गाउँपालिकाले पनि सहयोग गर्ने कार्यक्रम ल्याएको सुनिलस्मृति गाउँपालिकाका प्रवक्ता नमराज थापाले बताउनुभयो ।

‘हामीले गाउँपालिकाभित्र एक घर, एक करेसा बारी, विषादीमुक्त कृषि र माटो सुहाउँदो खेती अर्थात पकेट क्षेत्र बनाउने कार्यक्रम अघि सारेका छौं’ थापाले भन्नुभयो ।

अन्तिम अपडेट: फागुन १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्