पाणिनी गाउँपालिकामा ५ लाख तेजपत्ता रोपियो

साउन ५, २०७५ शनिबार ८:२८:५३ | उज्यालो सहकर्मी

अर्घाखाँची – प्रदेश नं. ५ का उद्योग, वन तथा पर्यटनमन्त्री लिला गिरिले,, अर्घाखाँचीमा तेजपत्ताको बिरुवा लगाएर राम्रो उत्पादन गर्न सकिने सम्भावना रहेकाले सबैले तेजपत्ता बिरुवा लगाउनु पर्ने बताउनुभयो ।

शुक्रबार पाणिनी गाउँपालिका वडा नं. ८, अड्गुरीमा रहेको देउराली सामुदायिक वनमा पुगेर स्थानीयसँगै बिरुवा रोप्दै उहाँले सबै सामुदायिक वनहरुलाई व्यावसायिक रुपमा तेजपत्ता खेती गर्न आग्रह समेत गर्नुभयो । अर्घाखाँचीमा तेजपत्ताका लागि राम्रो हावापानी र माटो भएकाले व्यावसायिक खेतीले बढ्दो युवा शक्ति विदेश पलायन रोक्नका लागि महत्वपूर्ण भूमिका खेल्ने बताउनुभयो ।

पाणिनी गाउँपालिकाका धातिवाङ्ग, अड्गुरी, पटौटी लगायतमा अहिलेसम्म झण्डै ५ लाख तेजपत्ता अर्थात (सुन्कौली) का बिरुवा रोपिएको जिल्ला वन अधिकृत दिपक ज्ञवालीले जानकारी दिनुभयो ।

तेजपत्ताबाट आठ वर्षपछि एक बोट बराबर ८ देखि १० हजारसम्म आम्दानी गर्न सकिनेछ । जिल्ला वन कार्यालय अर्घाखाँचीले तेजपत्ताको व्यावसायिक खेती गर्नका लागि यो वर्ष ५ लाख बिरुवाहरु वितरण गर्ने योजना बनाएको सहायक वन अधिकृत टेकनारायण चौधरीले बताउनुभयो ।

कार्यक्रममा अर्घाखाँची क्षेत्र नं. २ का प्रदेश सांसद रामजी घिमिरे, पूर्व सांसद नजिर मियाँ, प्रमुख जिल्ला अधिकारी खिमराज भुसाल, नेपाल कम्युनिष्ट पार्टीका नेता जिवनारायण कोइरालालगायतले देउराली सामुदायिक वनमा सामूहिक वृक्षारोपण गर्नुभएको थियो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्