ठेकेदारबीच कुरा नमिल्दा झडप, मध्यभोटेकोसी जलविद्युत आयोजनाको ठेक्का स्थगित

साउन ४, २०७५ शुक्रबार २०:२२:४१ | उज्यालो सहकर्मी

सिन्धुपाल्चोक – सिन्धुपाल्चोकमा निर्माणाधीन १०२ मेगावाटको मध्य भोटेकोसी जलविद्युत आयोजनाको ठेक्का स्थगित भएको छ ।

शुक्रबार फर्म दर्ता हुनै लाग्दा ठेक्का स्थगित भएको हो । साथै व्यवसायीहरुबीच झडप भएपछि एक जनालाई प्रहरीले नियन्त्रणमा लिएको सिन्धुपाल्चोकका प्रमुख जिल्ला अधिकारी आसमान तामाङले बताउनुभयो ।

‘३ प्याकेजमा ४ करोडको टेन्डर थियो, व्यवसायीहरुबीच सामान्य झडप भएको हो’, सिन्धुपाल्चोकका प्रमुख जिल्ला अधिकारी आसमान तामाङले बताउनुभयो । आयोजनाले केही समयको लागि ठेक्का स्थगित गरेको जनाएको छ । प्रजिअ तामाङका अनुसार ठेक्काको लागि २२ वटा फर्म बिक्री भएको थियो । शुक्रबार दिउँसो १२ बजेसम्म समय तोकिएको थियो । आयोजना प्रमुख डा. सुनिल लामाले शान्ति सुरक्षाको कारण देखाउँदै ठेक्का स्थगित गरेको सूचना निकाल्नुभएको छ ।

बाह्रबिसे नगरपालिकाका मेयर तथा प्रभावित बासिन्दा निमफुञ्जो शेर्पाले प्रजिअ तामाङको ठाडो आदेशमा ठेक्का स्थगित भएको आरोप लगाउनुभएको छ । आयोजना सुरुवात गर्ने बेलामा कार्यविधिमा उल्लेख त्यहाँको ठेक्का, शेयर प्रभावितलाई दिने भनिएको तर अहिले आएर बाहिरी मान्छेहरुलाई ठेक्का दिन खोजेकोले छलफलको क्रममा फर्मवालाहरुबीच प्रतिशतको कुरा नमिल्दा सामान्य झडप भएको शेर्पाले जानकारी दिनुभयो ।

स्वास्थ्यचौकी, आयोजना स्थलमा पर्खाल लगाउने ठेक्काका लागि भोटेकोसीले असार ६ गते सूचना निकालेको थियो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्