राेहन गुरुङलाई सरकारले दियो ३० लाख सहायता, माग थियो एक करोड ५ लाख

असार ९, २०७६ सोमबार १९:३३:३७ | उज्यालो सहकर्मी

काठमाण्डौ – सरकारले वैदेशिक रोजगार व्यवसायी संघका अध्यक्ष रोहन गुरुङलाई ३० लाख रुपैयाँ सहायता दिएको छ ।

गएको फागुन २४ गते गुरुङको घरमा विप्लव नेतृत्वको नेकपाका कार्यकर्ताले बम विस्फोट गराउँदा गाडी र घरमा क्षति पुगेको थियो । बम विस्फोटको क्षतिपूर्तिस्वरुप जेठ महिनामा गुुरुङलाई ३० लाख रुपैयाँ सहायता दिइएको अर्थ मन्त्रालयले जनाएको छ ।

अध्यक्ष गुरुङले पनि सरकारले दिएको ३० लाख रुपैयाँ हात परेको जानकारी दिनुभयो । तर सरकारसँग भने गुरुङले आफ्नो घरमा १ करोड ५ लाख रुपैयाँ बराबरको क्षति पुगेको विवरण दिनुभएको थियो ।

‘मेरो १ करोड ७५ लाख रुपैयाँ पर्ने गाडी ध्वस्त भएको छ, घरमा पनि धेरै क्षति पुगेको छ, मेरो गाडी र घर दुवैको इन्स्योरेन्स कभर भएन, त्यसैले सरकारले दिएको ३० लाख रुपैयाँ लिएको हुँ’, गुरुङले उज्यालो अनलाइनसँग भन्नुभयो ।

बीमा भएको भए आफूले सरकारसँगबाट क्षतिपूर्ति नलिने तर बीमाबापतको रकम पनि नपाउने भएकाले सरकारसँग क्षतिपूर्तिको माग गरेको उहाँको भनाइ छ ।

अन्तिम अपडेट: फागुन २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्