राष्ट्र बैंककाे निर्देशन अक्षरशः पालना गर्नुहाेस्: कार्यवाहक प्रधानमन्त्री पोखरेल

माघ १०, २०७५ बिहीबार १७:२४:२ | उज्यालो सहकर्मी

काठमाण्डाै - कार्यवाहक प्रधानमन्त्री ईश्वर पोखरेलले बैंक तथा वित्तीय संस्थाहरुलाई नेपाल राष्ट्र बैंकले दिएको निर्देशन अक्षरशः पालना गर्न कडा निर्देशन दिनु भएको छ ।

कार्यवाहक प्रधानमन्त्री पोखरेलले विपन्न वर्ग, कृषि, उर्जा र पर्यटनको क्षेत्रमा नेपाल राष्ट्र बैंकको निर्देशन अनुसार कर्जा प्रवाह गर्न बैंक तथा वित्तीय संस्थाहरुलाई निर्देशन दिनु भएको हो । बैंक तथा वित्तीय संस्थाहरुले कृषि, पर्यटन र उर्जा क्षेत्रमा राष्ट्र बैंकको निर्देशन मुताविक कर्जा प्रवाह गरे-नगरेको सरकारले कडा निगरानी गर्ने कार्यवाहक प्रधानमन्त्री पोखरेलको चेतावनी छ ।

बिहीबार राष्ट्रिय वाणिज्य बैंकको ५४ औं बार्षिकोत्सव कार्यक्रमलाई काठमाडौंमा उद्घाटन गर्दै उहाँले नेपाल राष्ट्र बैंकको निर्देशन अनुसार कर्जा प्रवाह गर्न पनि बैंकलाई सचेत गराउनु भयो । सरकारी स्वामित्वमा रहेको राष्ट्रिय वाणिज्य बैंकले वडा तहसम्म आफ्नो शाखा खोल्नुपर्ने कार्यबहाक प्रधानमन्त्री पोखरेलको भनाई छ ।

उहाँले मुलुकलाई समृद्ध बनाउने अभियानमा बैंक तथा वित्तीय संस्थाहरुले विशेष योगदान दिनुपर्ने आवश्यकता पनि औंंल्याउनु भयो ।

कार्यवाहक प्रधानमन्त्री पोखरेलले बैंक तथा वित्तीय संस्थाहरुलाई युवा शिक्षित रोजगार कार्यक्रममा लगानी गर्न पनि आग्रह गर्नुभयो । उहाँले बैंकहरुले मुनाफामात्रै नहेरी सर्वसाधारणको पहुँचमा बैंकिङ सेवा पुर्‍याउन जोड दिनुपर्ने आवश्यकता पनि औंल्याउनु भयो ।

सरकारी स्वामित्वमा रहेको राष्ट्रिय वाणिज्य बैंकले चालु आर्थिक वर्षको ६ महिनाको अवधिसम्ममा १ खर्ब ८० अर्ब निक्षेप संकलन गर्न सफल भएको छ भने १ खर्व ३१ अर्ब कर्जा लगानी गरेर १ अर्ब ६१ करोड मुनाफा आर्जन गर्न गरेको छ ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्