नेपाल–भारत जलस्रोत समिति बैठक: नेपालको हितका सम्झौता प्राथमिकतामा

माघ ९, २०७५ बुधबार २०:६:२७ | उज्यालो सहकर्मी

काठमाण्डाै – नेपाल–भारत उर्जा तथा जलस्रोत समितिको छैटाैं बैठक बुधबारदेखि पोखरामा सुरु भएको छ ।

बैठकमा सचिवस्तरीय र सहसचिवस्तरीय छलफलहरु भएका छन् । बैठकमा नेपालले बुटवल–गोरखपुर ४ सय केभी प्रसारणलाइन केही समय बुक गर्न पाउनुपर्ने माग राखेको छ ।

यस्तै बैठकमा इनर्जी बैंकिङको विषयमा पनि छलफल भएको छ । इनर्जी बैंकिङको विषयमा बिहीबार खास सहमति हुन सक्ने उर्जा, जलस्रोत तथा सिँचाइ मन्त्रालयका सचिव दिनेश घिमिरेले जानकारी दिनुभयो । उहाँले यो बैठकमा नेपालको हितमा हुने सम्झौताको लागि अधिकतम पहल गरिएको पनि बताउनुभयो ।

यस्तै भारतले संशोधन गरेको क्रसबोर्डर प्रसारणलाइनबाट नेपालले लिन सक्ने फाइदाका विषयमा पनि बैठकमा छलफल भएको छ । बुधबार विभिन्न समितिले गरेका निर्णय बिहीबार सचिवस्तरमा छलफल हुने र केही सहमतिमा हस्ताक्षर गरेर बैठक सकिने पनि सचिव घिमिरेले जानकारी दिनुभयो ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्