सन् २०३० सम्ममा भारतले ३० प्रतिशत विद्युतीय गाडी बजारमा ल्याउने

चैत १४, २०८० बुधबार १२:३:१४ | उज्यालो सहकर्मी

भारतले अबको ६ वर्ष अर्थात् सन् २०३० सम्ममा गाडी बिक्रीको ३० प्रतिशत हिस्सा विद्युतीय गाडीको लक्ष्य राखेको विश्व अर्थतन्त्रबारेको रिपोर्ट प्रकाशित गर्ने भारतीय संस्था ‘केयरएज रेटिङ्स’ ले जनाएको छ । पछिल्ला वर्ष वैकल्पिक इन्धन प्रयोगतिर ध्यान जान थालेको अवस्थामा भारतले विद्युतीय गाडीको मागलाई सम्बोधन गर्ने नीति लिएको संस्थाले गरेको अध्ययनले देखाएको हो ।

अटोमोबाइल बजारमा पेट्रोल र डिजेल इन्धनबाट सञ्चालित गाडीको परम्परागत प्रभुत्वलाई चुनौती दिँदै विद्युतीय गाडीको माग र बजार बढ्दो छ । समग्रमा गाडीको बिक्रीमध्ये पेट्रोलबाट चल्नेको बिक्रीमा आउँदा दिनमा कमी हुने अनुमान गरिएको छ ।

विगतमा पेट्रोलबाट चल्ने गाडी बिक्रीको हिस्सा सन् २०२० मा ८६ प्रतिशत रहेकोमा सन् २०२३ मा १० प्रतिशत कमी अर्थात् ७६ प्रतिशतमा घटेको देखाएको छ । डिजेलबाट चल्नेको सन् २०२० मा १२ प्रतिशत रहेकोमा सन् २०२३ मा ११ प्रतिशतमा सीमित भएको छ ।

वैकल्पिक इन्धनबाट चल्ने गाडीको बिक्री सन् २०२० को तुलनामा गएको वर्ष चार सय प्रतिशतभन्दा धेरैले बढेको तथ्याङ्कबाट देखिन्छ । भारतले वैकल्पिक इन्धन पूर्वाधारको विकासलाई प्रोत्साहन गर्न विभिन्न योजना बनाएर कार्यान्वयनका लागि पनि काम थालेको छ ।

यी प्रयासबाट नै सन् २०३० सम्ममा विद्युतीय गाडीमा पनि उत्कृष्ट प्रभाव देखिने अपेक्षा गरिएको अध्ययनलाई उद्धृत गरी समाचार संस्था एएनआईले जनाएको छ । भारतले वैकल्पिक इन्धनतर्फ अगाडि बढ्ने उदेश्यले परियोजनाका लागि एक खर्ब ५० अर्ब भारतीय रूपैयाँ विनियोजन नै गरेको छ । केयरएज रेटिङ्सका एसोसिएट निर्देशक आरती रोयले विद्युतीय गाडीको बजार प्रवद्र्धनको उद्देश्य पूरा हुन सरकारी नीति, प्राविधिक विकास र उपभोक्ताको प्राथमिकता जस्ता विभिन्न विषयमा निर्भर हुने बताउनुभएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सन् २०३० सम्ममा भारतले ३० प्रतिशत विद्युतीय गाडी बजारमा ल्याउने

प्रतीकात्मक तस्बिर

तपाईको प्रतिक्रिया