प्रधानमन्त्री दुबई जाने बेला उडान तालिका अगाडि सारिँदा ३१ जना यात्रु छोडिए

मंसिर १४, २०८० बिहीबार १२:०:२४ | उज्यालो सहकर्मी

काठमाण्डाै - नेपाल एअरलाइन्सले गएराति प्रधानमन्त्री पुष्पकमल दाहाल प्रचण्डलाई लिएर दुबई जाने क्रममा ३१ जना यात्रुलाई काठमाण्डौ विमानस्थलमै छाडेको छ ।

नेपाल एअरलाइन्सको काठमाण्डौ–दुबई उडान गएराति साढे ११ बजे रहेकोमा विशिष्ट व्यक्तिको उडान भएको भन्दै दुईघण्टा अगाडि सारिएको थियो । उडान तालिका सरेको थाहा नपाउने ३१ जना यात्रु दुबई जानबाट छुटेका हुन् । उनीहरु ढिलो गरी त्रिभुवन अन्तर्राष्ट्रिय विमानस्थल पुग्दा छुटेका नेपाल एअरलाइन्सका प्रवक्ता रमेश पौडेलले दाबी गर्नुभयो ।

उडान तालिका सरेकोबारे सबै यात्रुलाई ईमेल र फोनमार्फत जानकारी गराए पनि केहीको फोन नउठेको तथा केहीको अन्य व्यक्तिले नै फोन उठाएका कारण सूचना नपुगेको उहाँको दाबी छ । तर छुटेका यात्रुहरुले भने उडान तालिका सरेकोबारे एअरलाइन्सले आफूहरुलाई थाहा नदिएको बताएका छन् ।

हिजो दुबई जान छुटेका ३१ जनालाई आजै पठाउने तयारी भएको पनि प्रवक्ता पौडेलले जानकारी दिनुभयो । उनीहरुलाई काठमाण्डौकै एक होटलमा राखेको र आजै दुबई पठाउन समन्वय भइरहेको उहाँको भनाइ छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री दुबई जाने बेला उडान तालिका अगाडि सारिँदा ३१ जना यात्रु छोडिए

फाइल तस्बिर

तपाईको प्रतिक्रिया