साउदीमा समस्यामा पर्ने नेपालीको सङ्ख्या बढ्दो, अगष्टमा मात्रै २१५ जनाले लगाए स्वदेश फर्कने ‘एक्जिट भिसा’

भदौ १२, २०८० मंगलबार १५:४२:२० | उज्यालो सहकर्मी

काठमाण्डौ – साउदीमा रोजगारीका लागि गएका नेपालीहरू समस्यामा पर्ने क्रम बढेको छ ।

अगष्ट महिनामा मात्रै समस्यामा परेर स्वदेश फर्किन दूतावासमार्फत दुई सय १५ जनाले एक्जिट भिसा लगाएका छन् ।

दूतावासका अनुसार अगष्ट ३ मा ७९ जनाले, अगष्ट १० मा ४१ जनाले, अष्गट २२ मा ५८ जनाले र अगष्ट २९ मा ३७ जनाले साउदीबाट स्वदेश फर्कने अनुमति अर्थात् एक्जिट भिसा पाएको दूतावासले जनाएको छ ।

साउदीमा समस्यामा परेका इकामा (साउदीको आवासीय अनुमति पत्र)को म्याद सकिएको तीन महिनाभन्दा बढी भइसहेको भएमा वा साउदी पुगेको तीन महिनाभन्दा बढी समयसम्म पनि कम्पनीले इकामा नबनाइदिएमा र हुरुब लागेका श्रमिकहरुलाई स्वदेश फिर्तीका लागि दूतावासले एक्जिट भिसाको प्रक्रियामा सहजीकरण गरिरहेको छ ।

यस्तो भिसा पाएपछि जतिसक्दो छिटो साउदी छाड्न पर्छ । एक्जिट भिसाको म्यासेज मोबाइलमा आएको छ भने स्वदेश फर्कने बेला साउदीको विमानस्थलमा त्यही म्यासेज देखाउँदा हुन्छ । यदि आएको छैन भने एक्जिट भिसाको कागज दूतावासमार्फत लिन सकिन्छ ।

समस्यामा परेकाहरूको स्वदेश फिर्तीका लागि दूतावासले एक्जिट भिसाको प्रक्रिया निःशुल्क गरिदिने गरेको छ । एक्जिट भिसा लगाउन कही कतै शुल्क तिर्न नपर्ने दूतावासले जनाएको छ । तर एक्जिट भिसा लगाइसकेपछि स्वदेश फर्कने जहाजको टिकट भने आफैले काट्न पर्छ ।

दूतावासले यस्तो टिकटको व्यवस्था गर्दैन । एक्जिट भिसाको थप प्रक्रिया बारेमा जान्न परेमा रियादमा रहेको नेपाली दूतावासमा ०११४६१११०८ मा स्थानीय समय अनुसार बिहान ९ बजेदेखि ५ बजेसम्म, ०११२८८३७९५ मा दिउँसो तीन बजेदेखि बेलुकी ५ बजेसम्म र नेपाली महावाणिज्यदूतावास जेद्दामा ०५०००२१४०१ नम्बरमा सम्पर्क गर्न सकिन्छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्