डाेटीकाे बडीकेदार–५ मार्काेटमा साेलार मिनिग्रिड जडान, २ सय ९० घरधुरी लाभान्वित

वैशाख २९, २०८० शुक्रबार २०:६:३३ | विमल बिष्ट

डाेटी – डोटीको बडीकेदार गाउँपालिका–५ मार्कोटमा सोलार मिनी–ग्रिड जडान भएको छ । वर्षाैँदेखि सल्लाको झरो, टुकी बालेर अन्धकारमा बस्दै आएका स्थानीयवासी अहिले एक सय किलोवाट क्षमताको सोलार मिनी ग्रिडबाट बत्ती बाल्न पाएपछि खुसी भएका छन् ।

नेपाल सरकार ऊर्जा, जलस्रोत तथा सिँचाइ मन्त्रालय वैकल्पिक ऊर्जा प्रवद्धन केन्द्रको सात करोड १२ लाख र बडीकेदार गाउँपालिकाको ७९ लाख गरी सात करोड ९१ लाख ९३ हजार छ सय ३५ रुपैयाँको लागतमा टपसान इनर्जी प्रालिले मार्कोट सौर्य मिनी ग्रिड जडान गरेकाे हाे ।

मार्कोटमा स्थापना गरिएको मिनी ग्रिडबाट त्यस क्षेत्रका दुई सय ९० घरधुरीमा बत्ती बलेकाे टपसान इनर्जी प्रालिले जनाएको छ । मिनी ग्रिडबाट बडीकेदार–५ काे मार्कोट, बस्तोला, थानकोट, गडीगाउँ, कुन्थला, धमिगाउँ, सुनडालगायत गाउँमा सोलारबाट बिजुली जडान गरिएको गाउँपालिकाकी उपाध्यक्ष डम्मरी विष्ट कलेलले जानकारी दिनुभयो ।

सोलार मिनी ग्रिडबाट बत्ती बलेपछि व्यापार व्यवसाय गर्न सहज भएको बडीकेदार–५ का पूर्व वडाध्यक्ष बुद्धिसागर बिनाडीले बताउनुभयाे । स्थानीय लघु विद्युत् उत्पादन नभएकाे याे गाउँपालिकामा अहिलेसम्म राष्ट्रिय प्रसारण विद्युत् लाइनले छाेएकाे छैन ।

याे पालिकाकाे वडा नम्बर ५ लानाका धेरैजसाे बस्ती अझै पनि अन्धकार रहेकाले तत्काल विद्युत् विस्तार गर्न स्थानीयवासीको माग छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्