१३ वर्षपछि साँफेबगर विमानस्थलमा पुग्यो विमान

असोज २८, २०७५ आइतबार १७:५९:३२ | चन्द्र थापा

अछाम – १३ वर्षपछि अछामको साँफेबगर विमानस्थलमा आइतबार नेपाल वायु सेवा निगमको विमानले सफल उडान भरेको छ ।

विमानस्थल बन्द भएको १३ वर्षपछि साँफेबगर विमानस्थलमा नेपाल वायु सेवा निगमको विमान उडान भरैसँगै यस क्षेत्रका स्थानीयबासिन्दाले खुशी व्यक्त गरेका छन् । इफेक्ट हवाई परीक्षण भएको साढे ४ महिनापछि नेपाल वायु सेवा निगमको ‘९ एन एबिटी’ विमानले सफल परीक्षण गरेको छ ।

साँफे–नेपालगञ्ज हवाइजहाज उड्ने भएपछि स्थानीयमा उत्साह थपिएको छ । हवाइजाहाज मार्फत चाँडो आवातजावत गर्न पाएकोमा यात्रुले खुशी व्यक्त गरेका छन् । नियमित प्लेन चल्यो भने बिरामीलाई उपचारका लागि सुविधासम्पन्न अस्पतालमा पुर्याउन पाउने स्थानीयबासिन्दाले अपेक्षा गरेका छन् ।

हवाई यातायातले पर्यटन, उद्योग व्यवसायमा समेत सकारात्मक प्रभाव पर्ने देखिन्छ । नेपाल वायु सेवा निगम विमानका क्याप्टेन पेम्बा शेर्पाले साँफेबगरमा सफल रुपमा विमान अवतरण गराउनुभएको थियो ।

पहिलो उडानमा १८ जना यात्रु साँफेबगर पुगेका थिए भने साँफेबगरबाट १२ जना यात्रु नेपालगञ्ज गएका छन् । उडान सुरु गर्न सामान्य टावरमा कर्मचारीको अभावबाहेक कुनै समस्या नरहेको बताउँदै क्याप्टेन पेम्बा शेर्पाले सरोकारवाला पक्षले पहल गरेमा साँफेबगर विमानस्थलमा उडान सेवा सञ्चालन गर्न सम्भव रहेको बताउनुभयो ।

दसैँपछि टावरमा कर्मचारीको पदपूर्तिसँगै प्रदेशको राजधानी धनगढीबाट समेत उडान भर्ने तयारी गरिएको साँफेबगर नगरपालिकाले जनाएको छ । हप्ताको दुई दिन आइतबार र बुधबार उडान भर्न सुरु गरिएको भए पनि उडान निरन्तरतको लागि राजनीति दलसँगै संघ र प्रदेश सरकारले सहयोग गर्नु पर्ने नगर प्रमुख कुलबहादुर कुँवरको भनाई रहेको छ ।

साँफेबगरबाट हवाइ जहाज चलेसँगै अछाम, बाजुरा र डोटी जिल्लाका बासिन्दाहरु लाभान्वित हुनेछन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

चन्द्र थापा

अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्