सात वर्ष खाडीमा बित्याे, अहिले आफ्नै साबुन उद्याेगमा व्यस्त तुल्सीराम

माघ २१, २०७९ शनिबार १८:३३:३८ | हेमराज शर्मा

दाङ – राेजगारीकाे लागि परदेशिनेहरु सबै सधैँभरि उतै बस्दैनन् । केही कमाएर, केही सिकेर आफ्नै गाउँठाउँमा फर्किहाल्छन् । यतै केही गर्ने सपना बाेकेर ।

सल्यानको कपुरकोट गाँउपालिका–३ का तुल्सीराम शर्मा पनि सात वर्ष परदेशमा बिताएर आफ्नै देशमा केही गर्ने साेचका साथ नेपाल फर्किनुभयाे । अहिले दाङको घोराहीमा झण्डै तीन करोड रुपैयाँको लगानीमा साबुन उद्योग सञ्चालन गरिरहनुभएकाे छ उहाँले । शर्माले व्यक्तिगत लगानीमा घोराही उपमहानगरपालिका–१६ रावतगाउँमा साबुन उद्योग सञ्चालनमा ल्याउनुभएको हाे ।

तुल्सीरामले वैदेशिक रोजगारीका क्रममा साउदी र दुबईमा सात वर्ष बिताउनुभयाे । सधैँ परदेशमै बसिरहन मनले मानेन । आफ्नै परिवारसँगै बसेर आफ्नै गाउँठाउँमा केही गर्ने साेचका साथ नेपाल फर्किनुभयाे । सुरुमा यहाँ आएको केही समय मोबाइल पसल चलाउनुभयाे । तर माेबाइल व्यवसायले उहाँकाे मनकाे भाेक मेटिएन । कुनै उद्याेग खाेल्नुपर्छ भन्ने साेच्नुभयाे । त्यसपछि उहाँले माेबाइल पसल छाडेर साबुन बनाउने काममा लाग्नुभयाे । मेलिना मल्टिपल प्राली स्थापना गरेर कपडा धुने ‘स्मृति साबुन’ बजारमा ल्याउनुभयाे । अहिले साबुन व्यवसाय राम्रै चलिरहेकाे उहाँ बताउनुहुन्छ ।

'बजारबाट राम्रो प्रतिक्रिया आइरहेको छ’, शर्माले भन्नुभयो, ‘व्यवसाय राम्रोसँग चल्यो र आम्दानी बढ्दै गयो भने उद्योगलाई विस्तार गर्दै लैजाने सोच रहेको छ ।’

उद्योगले दैनिक करिब एक सय कार्टुन बराबरको साबुन उत्पादन गर्दै आएको छ । अहिले उद्योगबाट कपडा धुने साबुन मात्रै उत्पादन हुन्छ । बिस्तारै नुहाउने साबुन, कपडा धुने साेडा, भाँडा धुने साबुन र सौचालयमा प्रयोग गरिने हार्फिक उत्पादन गर्ने उहाँकाे याेजना छ ।

तुल्सीरामले उद्योगका लागि आवश्यक कच्चा पदार्थ भारतबाट ल्याउनुहुन्छ । नेपालमै उत्पाद गर्न सकिने कच्चा पदार्थकाे लागि भारतकाे भर पर्नुपर्ने बाध्यता हुँदा समस्या भएकाे उहाँ बताउनुहुन्छ ।

‘तत्कालका लागि अहिले भारतबाट कच्चा पदार्थ आयात गरी साबुन उत्पादन गर्ने गरेका छौँ’, शर्माले भन्नुभयो,‘आगामी दिनमा आफ्नै उद्योगमा कच्चा पदार्थको उत्पादनसँगै सेवालाई थप गर्ने लक्ष्य रहेको छ ।’

कुनै समय राेजगारी खाेज्दै परदेशिनुभएका शर्मा अहिले आफैले स्थानीय युवाहरुलाई राेजगारी दिनुभएकाे छ । उहाँकाे उद्योगमा अहिले ९ जनाले रोजगारी पाएका छन् । उद्योग चल्दै गएपछि थप जनशक्ति बढाउँदै जाने उहाँ बताउँनुहुन्छ ।

उद्योगका सञ्चालक शर्मा आफै मेसिन चलाउनुका साथै उत्पादित साबुन बजार व्यवस्थापनको कामसमेत गर्नुहुन्छ । बुटवलदेखि पश्चिम क्षेत्रको बजारलाई लक्षित गरी बजार व्यवस्थापन थालिएको छ । अहिले उत्पादित साबुन बुटवल, नेपालगञ्ज, सुर्खेत, धनगढीलगायतका सहरहरुमा पठाउने गरेको शर्माले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

1 Comments

Keshab
Feb. 5, 2023, 8:09 a.m.
बिदेस गएर कमाएको पुजि यहाँ उत्पादनमा सिल मा लगाउने मन लाई यो मुटु ले सार्है माया गर्छ। सदै अघि बड्नु दाजु सुभकामना
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सात वर्ष खाडीमा बित्याे, अहिले आफ्नै साबुन उद्याेगमा व्यस्त तुल्सीराम

1 Comments

Keshab

तपाईको प्रतिक्रिया

तपाईको प्रतिक्रिया