राहदानीमा गाउँपालिकाको अङ्ग्रेजी नाम गलत हुँदा गुल्मीको रुरुक्षेत्र बासिन्दालाई समस्या

पुष १९, २०७९ मंगलबार १२:२३:२० | उज्यालो सहकर्मी

काठमाण्ठौ – गुल्मीको रुरुक्षेत्र गाउँपालिकाको अङ्ग्रेजी नाम राहदानी विभागको अनलाइन सफ्टवेयरमा गलत हुँदा विदेश पुगिसकेका र जान खोज्ने पालिका बासीलाई समस्या भएको छ ।

गाउँपालिकाको नामको अङ्ग्रेजी स्पेलिङ फरक पर्दा विदेश पुगिसकेकाहरूलाई पनि समस्या भएको र कतिपय जानै नपाएको गाउँपालिका अध्यक्ष यदु ज्ञवालीले बताउनुभयो ।

पालिकाबाट जापान, अस्ट्रेलिया लगायतका देशमा पुगेकाहरूलाई सर्टिफिकेट र राहदानीमा स्थायी ठेगानाको स्पेलिङ नमिल्दा समस्या भएको भन्दै गुनासो आउने गरेको अध्यक्ष ज्ञवालीले बताउनुभयो ।

‘विदेश पुगिसक्नु भएकाहरुलेसमेत के गर्ने होला भनेर यहाँ मलाई सम्पर्क गरिरहनुभएको छ, एक जना शर्मिला खड्का भन्ने बहिनी त विदेश जाने सबै तयारी गरेर पनि सर्टिफिकेट लगायत अन्य कागजातमा र राहदानीमा गाउँपालिकाको अङ्ग्रेजी नामको स्पेलिङ फरक परेकाले जान पाउनुभएको छैन’ गाउँपालिका अध्यक्ष ज्ञवालीले भन्नुभयो ।

विदेश पुगिसकेकाहरूले त्यहाँ रहेको नेपाली दूतावासमा गएर सच्याउन खोज्दासमेत नमिलेको र नयाँ राहदानी नै बनाउन पनि विभागको सफ्टवेयरमा त्यही स्पेलिङ अझै पनि कायम भएको उहाँले बताउनुभयो ।

गुल्मीको रुरु क्षेत्र गाउँपालिकाको अङ्ग्रेजी नामको स्पेलिङ गाउँपालिकाले Rurukshetra Rural Municipality लेख्दै आएको छ । तर राहदानी विभागको प्रणालीमा Ruruchhetra Rural Municipality हुँदा समस्या भएको हो ।

राष्ट्रिय परिचयपत्र र राहदानीमा गाउँपालिकाको अङ्ग्रेजी नामको स्पेलिङ फरक परेपछि पालिकाले जिल्ला प्रशासन कार्यालयदेखि राहदानी विभागमा समेत स्पेलिङ सच्याइदिन अनुरोध गर्दै पत्राचार गरिसकेको छ ।

आफू स्वयमले पनि राहदानी विभागका महानिर्देशकदेखि परराष्ट्र सचिवसम्मलाई समेत यो समस्या राखिसकेको तर यो समाचार तयार पार्दाको मितिसम्म पनि अङ्ग्रेजी नाम नसच्चिएको अध्यक्ष ज्ञवालीले गुनासो गर्नुभयो ।

राहदानी विभागले भने रुरु क्षेत्रसँगै अन्य पालिकाबाट समेत यस्तो गुनासो आएकाले गुनासो गर्ने सबै पालिकाको नाम सच्चाइसकेको दाबी गरेको छ । विभागका प्रवक्ता दुरापदा सापकोटाले सफ्टवेयर सेवा प्रदायकसँग अनुरोध गरिसकेको र अहिलेसम्म यो समस्या समाधान भइसकेको बताउनुभयो ।

‘हामीले ई–पासपोर्टका लागि सङ्घीय मामिला मन्त्रालयबाट सबै गाउँपालिका र नगरपालिकाहरूको विवरण लिएका हौँ, तर जिल्ला प्रशासन कार्यालयले एक हिसाबले दिने गरेको रहेछ’ विभागका प्रवक्ता सापकोटाले भन्नुभयो ‘मन्त्रालयको र त्यहाँको नाम लेख्ने तरिका नमिल्दा समस्या भएको हो ।’

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

लिला अधिकारी
Jan. 5, 2023, 7:56 a.m.
नेपाली र अङ्ग्रेजीको रोमन लेखाइमा एकरुपता नहुँदा जताततै धेरैलाई ठूलो समस्या पर्दै आएको यो एउटा प्रतिनिधिमूलक उदाहरण हो। सबै कार्यालयमा (विशेषत: नामथर र ठेगानासम्बन्धी काम गर्ने निकायहरूमा) गतिलो भाषा सम्पादक हुनैपर्छ। देशमा भाषाको प्रयोग/पद्धतिमा अराजकता व्याप्त छ। यसलाई एकरूपता र पद्धति नदिने हो भने मान्छेहरूले दु:ख पाइरहनु पर्छ। हामी स्कूलमा जन्मदर्ता खोज्छौँ तर नेपाली र अङ्ग्रेजी नाम, थर र ठेगाना अचाक्ली नै नमिलेको देखिन्छ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
राम प्रमेष पटेल
Jan. 3, 2023, 2:37 p.m.
याे समस्या हाम्राे न पा मा पनि नागरितामा Fatuha आउँछ तर अन्य कागजातमा Fatuwa लेखने गरिन्छ ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राहदानीमा गाउँपालिकाको अङ्ग्रेजी नाम गलत हुँदा गुल्मीको रुरुक्षेत्र बासिन्दालाई समस्या

2 Comments

लिला अधिकारी

तपाईको प्रतिक्रिया

राम प्रमेष पटेल

तपाईको प्रतिक्रिया

तपाईको प्रतिक्रिया