परदेशीका परिवारलाई नीलकण्ठ नगरपालिकाद्वारा शैक्षिक सामाग्री प्रदान

जेठ २७, २०७९ शुक्रबार १६:३०:४० | रामकुमार थापा

धादिङ – धादिङको नीलकण्ठ नगरपालिकाले वैदेशिक रोजगारको कारण समस्यामा परेका अभिभावकका बालबालिकालाई शैक्षिक सामाग्री प्रदान गरेको छ ।

सुरक्षित आप्रवासन (सामी) परियोजना अन्तर्गत नीलकण्ठ नगरपालिकाले नगरभित्रका १० जना बालबालिकालाई शैक्षिक सामाग्री वितरण गरिएको सामी परियोजनाका कार्यक्रम संयोजक दिनेश दुवाडीले जानकारी दिनुभयो ।

परदेशमा मृत्यु भएका ४ जना, परदेशमा अभिभावक हराएकाका १ जना, भनेको जस्तो कमाई नभएर स्वदेश फर्किएका २ र विदेशमा भनेको जस्तो काम र तलब नभएको ३ जना गरी १० जना परदेशीका बालबालिकालाई शैक्षिक सामाग्री वितरण गरिएको हो ।

नीलकण्ठ नगरपालिकाका मेयर भीमप्रसाद ढुङ्गाना, उप मेयर दीपक विश्वकर्मा र प्रमुख प्रशासकीय अधिकृत नेत्रप्रसाद पौडेलेले शैक्षिक सामाग्री वितरण गर्नुभएको थियो ।

शैक्षिक सामाग्री नभएकै कारण बालबालिकालाई विद्यालय पठाउन समस्या भएपछि परियोजनामार्फत शैक्षिक सामाग्री वितरण गरिएको हो । उनीहरूका अभिभावकलाई परियोजनामार्फत नै नगरपालिकाले व्यक्तिगत मनोपरामर्श पनि प्रदान गरिरहेको छ ।

नगर प्रमुख भीमप्रसाद ढुङ्गानाले नगर बासीको सुख दुःखमा साथ दिने भन्दै वैदेशिक रोजगारको विषयमा कुनै समस्या भए आफूलाई सिधा सम्पर्क गर्नको लागि पनि आग्रह गर्नुभएको छ ।

चिन्तामा परेका धेरैलाई चिन्ताबाट मुक्त गराउन र नयाँ जीवनमा फर्काउनको लागि मनोपरामर्शले काम गरेको भन्दै मनोसामाजिक समस्या लुकाएर नराख्नसमेत नगरप्रमुख ढुङ्गानाले आग्रह गर्नुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामकुमार थापा

थापा धादिङको नीलकण्ठ नगरपालिकाकाे वरिष्ठ मनोविमर्शकर्ता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्