उम्मेदवारको संख्या डेढ लाखभन्दा धेरै

वैशाख १४, २०७९ बुधबार ६:३६:२२ | उज्यालो सहकर्मी

काठमाण्डाै – पालिका चुनावका लागि उम्मेदवारी दिनेको संख्या डेढ लाखभन्दा बढी पुगेको छ । निर्वाचन आयोगले हिजो बेलुकी उपलब्ध गराएको तथ्याँकअनुसार विभिन्न पदमा १ लाख ५० हजार ४९४ जनाको उम्मेदवारी परेको छ ।

मेयरमा ३ हजार ४६६, अध्यक्षमा ३ हजार ३७८, उपमेयरमा २ हजार १३६ र उपाध्यक्षमा २ हजार ३९२ को मनोनयन परेको आयोगले जनाएको छ । यसैगरी वडा अध्यक्षमा ३४ हजार ९४३, महिला सदस्यमा २६ हजार ६३, दलित महिला सदस्यमा २३ हजार ४७० र वडा सदस्यमा ५४ हजार ६४६ जनाको उम्मेदवारी मनोनयन दर्ता भएको छ ।

मेयर, अध्यक्ष, उपमेयर, उपाध्यक्ष तथा वडा अध्यक्ष पदमा सबैभन्दा बढी उम्मेदवारी नेकपा (एमाले) बाट परेको छ । आयोगकाअनुसार एमालेबाट मेयरमा २८८ र अध्यक्ष पदमा ४४६ जनाको उम्मेदवारी दर्ता भएको छ । उपमेयरमा २८३ र उपाध्यक्षमा ४४५ उम्मेदवारी परेको छ । त्यस्तै एमालेबाट वडा अध्यक्ष पदमा ६ हजार ४६८ जनाको उम्मेदवारी दर्ता भएको आयोगले जनाएको छ । त्यस्तै, सत्तारुढ दल नेपाली काँग्रेसबाट मेयरमा २६३ र अध्यक्षमा ३८२ जनाको उम्मेदवारी परेको छ । स्वतन्त्रबाट मेयरमा १ हजार ३७६ र अध्यक्षमा १ हजार २४ जनाको उम्मेदवारी परेको आयोगले जनाएको छ ।

कूल ३५ हजार २२१ पदका लागि आउँदो ३० गते मतदान हुँदैछ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्