पर्वत : गठबन्धनबाट प्रमुख र उपप्रमुख पदमा महिला उम्मेदवार शून्यजस्तै

वैशाख १३, २०७९ मंगलबार २०:२८:३ | सन्तोष थापा

पर्वत – पर्वतमा पालिका चुनावका लागि नौ सय ५७ जनाले विभिन्न पदमा मनोनयन दर्ता गराएका छन् । दुई नगरपालिका र पाँच गाउँपालिकामा गरी नौ सय ५७ जनाले उम्मेदवारी दिएका हुन् ।

कुश्मा नगरपालिकामा दुई सय २५, जलजला गाउँपालिकामा एक सय २८, पैंयु गाउँपालिकामा एक सय चार, फलेवास नगरपालिकामा एक सय ८६ जनाले उम्मेदवारी दिएका छन् । त्यसैगरी महाशिला गाउँपालिकामा ७८, मोदी गाउँपालिकामा एक सय २५ र विहादी गाउँपालिकामा एक सय एक जनाको उम्मेदवारी दर्ता भएको छ ।

कुश्मा नगरपालिकाको मेयरमा आठ र उपमेयरमा सात, जलजलाको अध्यक्षमा सात र उपाध्यक्षमा पाँच, पैंयुको अध्यक्षमा सात र उपाध्यक्षमा तीन, फलेवासको मेयरमा १० र उपमेयरमा पाँच जनाको उम्मेदवारी परेको मुख्य निर्वाचन अधिकृतको कार्यालयले जनाएको छ । यसैगरी महाशिलाको अध्यक्षमा चार र उपाध्यक्षमा दुई, मोदीको अध्यक्षमा सात र उपाध्यक्षमा चार, विहादीको अध्यक्षमा चार र उपाध्यक्षमा दुई जनाको उम्मेदवारी दर्ता भएको छ ।

गठबन्धनभित्रका असन्तुष्ट व्यक्तिहरूले स्वतन्त्र उम्मेदवारी दिएपछि मनोनयन दर्ताको सङ्ख्या बढेको हो । राजनीतिक दलभित्र असन्तुष्ट पैदा भएपछि र आकाङ्क्षीहरू पछाडि परेपछि सबै पालिकामा स्वतन्त्र उम्मेदवारको सङ्ख्या बढी रहेको छ ।

प्रमुख वा उपप्रमुख, अध्यक्ष वा उपाध्यक्ष पदमध्ये कुनै एकमा अनिवार्य महिला हुनुपर्ने निर्वाचन आयोगले कानुन तर्जुमा गरे पनि राजनीतिक दलहरूले गठबन्धनको बहानामा पैंयु गाउँपालिकाबाहेकका ६ पालिकाको दुवै पदमा पुरुष उम्मेदवार उठाएका छन् ।

गठबन्धनभित्रका कांग्रेस–माओवादीले कुश्माको मेयर र उपमेयर, मोदीको अध्यक्ष र उपाध्यक्ष, जलजलाको अध्यक्ष र उपाध्यक्ष, विहादीको अध्यक्ष र उपाध्यक्षमा दुवैमा पुरुष उम्मेदवार खडा गरेका हुन् । त्यस्तै महाशिला गाउँपालिकामा कांग्रेस–एकीकृत समाजवादीको तर्फबाट अध्यक्ष र उपाध्यक्ष दुवै पदमा पुरुष उम्मेदवार रहेका छन् ।

नेकपा एमाले र राष्ट्रिय जनमोर्चालगायतका अन्य दलहरूको उम्मेदवारमा भने महिलाको सङ्ख्या उल्लेखनीय छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पर्वत : गठबन्धनबाट प्रमुख र उपप्रमुख पदमा महिला उम्मेदवार शून्यजस्तै

जिल्ला निर्वाचन कार्यालय पर्वत, मनोनयन दर्ता गराउँदै उम्मेदवारहरू

तपाईको प्रतिक्रिया