चुनाव सर्दै सर्दैन, कसैले शङ्का गर्नुपर्दैन : प्रचण्ड

वैशाख ५, २०७९ सोमबार १३:५८:५६ | उज्यालो सहकर्मी

काठमाण्डाै – नेकपा माओवादी केन्द्रका अध्यक्ष पुष्पकमल दाहाल प्रचण्डले वैशाख ३० गतेको पालिका चुनाव सर्ने कुनै सम्भावना नरहेको बताउनुभएको छ ।

माओवादी केन्द्रको प्रचार विभागले आज साेमवार गरेको पत्रकार सम्मेलनमा अध्यक्ष प्रचण्डले अनुमानका भरमा केही व्यक्तिले सञ्चारमाध्यममा चुनाव सर्ने शङ्का गरेको तर कुनै पनि हालतमा चुनाव नसर्ने बताउनुभयो । ‘देश चुनावमा होमिइसकेको छ, सबै दल आफ्नो अवस्था सुधारका लागि देश दौडाहामा छन्, सरकार र सरकारमा रहेका दलहरूको छलफलमा चुनाव सार्ने कुरा नै उठेको छैन, चुनाव कुनै हालतमा सर्दैन, ढुक्क रहन म अनुरोध गर्दछु’, उहाँले भन्नुभयो ।

अध्यक्ष प्रचण्डले चुनाव सर्छ भनेर बेला–बेला हल्ला हुनु नेपालमा नौलो कुरा नभएको बताउनुभयो । ‘चुनाव हुने दिनको बिहानसम्म पनि चुनाव सर्छ रे नि भन्ने हल्ला भइरहेका हुन्छन्, अहिलेसम्मका चुनावमा त्यस्तै हल्ला भएका छन्, तर चुनाव हुन्छ, सार्ने कुरै छैन’, प्रचण्डको भनाइ छ ।

यसैबीच सत्तारुढ गठबन्धनबीच महानगर र उपमहानगरपालिकाको भागबन्डा अन्तिम चरणमा पुगेको र आज बेलुका सबै टुङ्गिने प्रचण्डको भनाइ छ ।

संविधानविरोधी र प्रतिगमनका पक्षधर दल र नेताहरूलाई परास्त गर्नका लागि गठबन्धन आवश्यक रहेको भन्दै प्रचण्डले अबको चुनावमा परिवर्तन र प्रगतिका पक्षधरको विजय हुने दाबी गर्नुभयो ।

अब माओवादीले हरेक सोमवार पत्रकार सम्मेलन गरेर चुनावको सूचना सम्प्रेषण गर्ने भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चुनाव सर्दै सर्दैन, कसैले शङ्का गर्नुपर्दैन : प्रचण्ड

फाइल फाेटाे

तपाईको प्रतिक्रिया