संघीयता बुझाउने पुस्तक बजारमा

भदौ ३१, २०७५ आइतबार ६:२२:५१ | उज्यालो सहकर्मी

काठमाडौं - संघीय प्रणालीका अध्ययता डा. विनोद न्यौपानेले लेखेको पुस्तक ‘नेपालमा संघीयता र राजनीतिक–आर्थिक बहाव’ विमोचन भएको छ । शनिबार काठमाडौंमा बरिष्ठ पत्रकार भैरब रिसालले पुस्तक विमोचन गर्नुभएको हो ।

कार्यक्रममा बिश्लेषक सौरभले नेपालका लागि संघीयता प्रतिकूल व्यवस्था भएको भन्दै संघीयताले ‘पृथकतावाद’लाई प्रश्रय दिने बताउनुभयो ।

पत्रकार युवराज घिमिरेले संघीयताबारे नेपालमा अझै अन्योल रहेको बताउनुभयो ।

विश्लेषक डा.बिष्णुराज उप्रेतीले संघीय व्यवस्था बुझ्न पुस्तक उपयोगी हुने भन्दै नेपालमा संघीय व्यवस्था हचुवाको भरमा ल्याइएको टिप्पणी गर्नुभयो।

पत्रकार भैरव रिसालले भ्रष्टाचारका सन्दर्भमा निर्वाचित जनप्रतिनिधी हुँदा र नहुँदा कुनै फरक नआएको टिप्पणी गर्नुभयो।

डा. न्यौपानेको पुस्तक “नेपालमा सङ्घीयता र राजनीतिक–आर्थिक बहाव”म नेपालमा चलिरहेको सङ्घीयता, विकेन्द्रीकरण, फाइदा र बेफाइदा, शासकीय पद्धति आदिबारे विस्तृत, व्यापक र गहन रूपले अध्ययन गरी लेखिएको छ ।

नयाँ सोच, नयाँ दृष्टि, आजको विश्वव्यापीकरण र हाम्रो सङ्घीयता कसरी आयो, कता जादैछ भोलि नेपालमा स्थानीय तहहरू कसरी जाने छन् भन्ने विषयमा किताबले प्रष्ट पार्ने न्यौपानेले बताउनुभयो ।

पुस्तकमा विश्वव्यापीकरणले गर्दा नेपाली समाजमा भइरहेको सामाजिक बिखन्डन र रूपान्तरण भित्रका अभ्यास केलाइएको छ ।

पुस्तकले विकेन्द्रीकरण, सङ्घीयता बारे विस्तृत परिभाषा, विश्वमा भएका अभ्यासहरू, जातीय द्वन्द्व, नेपाली महिलाको राजनीतिक प्रतिनिधित्व र अवस्थाबारे चर्चा गरेको छ ।

स्थानीय तह र प्रदेशमा प्रतिनिधित्व गर्ने जनप्रतिनिधि, विद्यार्थी, प्राध्यापक र नीति निर्मातासम्म पुग्न अनुसन्धान र अध्ययनमा जोड दिँदै, आयोजना अवधारणा पत्र, आयोजना चक्र र तर्कयुक्त ढाँचा बनाउन सिकाउँदै सिद्धान्त र अभ्यास दुवै क्षेत्रलाई जोड दिएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्