पाठेघर खसेका महिलाको पालिकाद्वारा निःशुल्क उपचार

पुष २३, २०७८ शुक्रबार १२:३५:४० | विमल बिष्ट

डोटी – डोटीको बोगटान फुड्सिल गाउँपालिकाका पाठेघर खसेका १५ जना महिलाको निःशुल्क उपचार गरिएको छ । पालिकाको आर्थिक सहयोगमा डा.लेखनाथ भट्ट नेतृत्वको टोलीले पाठेघर खसेका महिलाको निःशुल्क उपचार गरिएको हो ।

वषौँदेखि पाठेघरको समस्याबाट ग्रसित भएका महिलाहरुको गाउँपालिकाको आर्थिक सहयोग र शैलेश्वरी अस्पताल दिपायलको प्राविधिक सहयोगमा अप्रेशन गरिएको शैलेश्वरी अस्पताल दिपायलका प्रबन्ध निर्देशक आइजंग कुँवरले जानकारी दिनुभयो । उहाँकाअनुसार टीएएच विधिद्वारा गरिएको अप्रेशनमा प्रति बिरामी चार घण्टा समय लागेकाे थियाे ।

पाठेघर खसेका महिलामा शारीरिक तथा मानसिक समस्या पनि हुने भएका कारण यसले स्वास्थ्यमा धेरै ठूलो असर गर्ने हुँदा ती महिलाहरुको लागि शिविर सञ्चालन गरिएको गाउँपालिका उपाध्यक्ष भगवती बमले बताउनुभयो ।

उहाँले भन्नुभयो,“महिलाले पाठेघर सम्बन्धी समस्या लुकाउने गरेका कारण उनीहरुलाई घरायसीदेखि अन्य काम गर्न समस्या थियो, पालिकाको आर्थिक सहयोगमा शिविर सञ्चालन गरेपछि पीडित महिलालाई राहत मिलेको छ ।”

जिल्लाका धेरै ठाउँमा पाठेघरका समस्या भएका सयौँ महिलाहरु आर्थिक अभाव र रोग लुकाउने गरेका कारण यो समस्या जटिल बन्दै गएको चिकित्सकहरु बताउँछन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्