यसपटकको पद्मश्री पुरस्कार नयनराजको यारलाई, ताना शर्मालाई पद्मश्री साधना पुरस्कार

भदौ २५, २०७५ सोमबार ७:२७:५८ | उज्यालो सहकर्मी

काठमाडौं – यसपटकको पद्यमश्री साहित्य पुरस्कारबाट नयनराज पाण्डे सम्मानित हुनुहुने भएको छ ।

संस्मरणात्मक कृति यारका लागि पाण्डेलाई पद्मश्री पुरस्कारबाट सम्मानित गर्ने निर्णय भएको खेमलाल–हरिकला लामिछाने प्रतिष्ठानले जनाएको छ । यस्तै यसपटकको पद्मश्री साधना सम्मानबाट डाक्टर तारानाथ शर्मालाई सम्मान गर्ने निर्णय भएको प्रतिष्ठानका अध्यक्ष जीवा लामिछानेले जानकारी दिनुभयो ।

पद्मश्री साहित्य पुरस्कारबाट वर्षभरि प्रकाशित साहित्यिक कृतिमध्ये उत्कृष्ट एक कृतिलाई र पद्मश्री साहित्य साधना नेपाली साहित्यमा महत्वपूर्ण योगदान गर्ने श्रष्टालाई सम्मान गर्ने गरिन्छ । प्रतिष्ठानले २०७४ सालमा प्रकाशित साहित्यिक कृतिहरुमध्ये यारलाई सर्वोत्कृष्ट ठहर गरेको हो ।

यारमा निकट साथीहरुका माध्यमबाट नेपाली समाज साहित्य र कलाका साथै त्यहाँभित्रका मानिसको मनोदशालाई विशिष्ट ढंगले प्रस्तुत गरेको ठहर गर्दै पुरस्कृत गर्ने निर्णय भएको अध्यक्ष लामिछानेले जानकारी दिनुभयो ।

यस्तै, झर्रोवादी आन्दोलनका अभियन्ता डाक्टर शर्मा, ३ दशकदेखि नियात्रा, निबन्ध, समालोचना, आख्यान अनुबाद र सम्पादन लगायत क्षेत्रमा विशिष्ट योगदान गर्नुभएको छ ।

दुवै पुरस्कारको राशी दुई–दुई लाख रुपैयाँ छ । पुरस्कार आउँदो दशैको कोजाग्रत पूर्णिमाका दिन वितरण गर्ने तयारी छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्