दाङ : कैदी भागेकाे प्रकरणमा जेलर, असई र हवलदारविरुद्ध पक्राउ पुर्जी जारी

पुष १२, २०७८ सोमबार १५:५०:११ | हेमराज शर्मा

दाङ – दाङको घोराही कारागारबाट कैदी भागेको प्रकरणमा जेलर, सुरक्षा प्रमुख प्रहरी सहायक निरीक्षक (असई) र हवलदारविरुद्ध पक्राउ पुर्जी जारी गरिएको छ । कारागार प्रशासन र सुरक्षा संयन्त्रको चमर लापर्बाही देखिएको भन्दै जेलर युवराज परियार, कारागार सुरक्षा प्रमुख प्रहरी सहायक निरीक्षक रुद्रसेन ठकुरी र प्रहरी हवलदार गणेशकुमार थारुका नाममा पक्राउ पुर्जी जारी गरिएको छ ।

कर्तव्य ज्यान मुद्दामा जन्मकैदको सजाय काटिरहेका राजपुर गाउँपालिका ३ का २९ वर्षीय यामराज परियारलाई उपचारका लागि अस्पताल लैजाने भनी मिलेमतोमा भगाइएको प्रहरीको निष्कर्ष छ ।

गएकाे बुधवार कारागारका नाइके परियारलाई उपचारका लागि प्रहरी जवान धनबहादुर चौधरीले लु ३४ प ४१० नम्बरको मोटरसाइकलमा लिएर गएका थिए । तर उनीहरू अस्पताल नगइ दुई जना महिलालाई लिएर होटलमा पुगेका थिए । होटलबाटै कैदी परियार भागेका हुन् ।

प्रहरीले प्रहरी जवान चौधरीसहित कारागारका कार्यालय सहयोगी, ती दुई महिला र होटल सञ्चालकलाई यसअघि पक्राउ गरेर अनुसन्धान गरिरहेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दाङ : कैदी भागेकाे प्रकरणमा जेलर, असई र हवलदारविरुद्ध पक्राउ पुर्जी जारी

फरार कैदी परियार

तपाईको प्रतिक्रिया