२०७६ सालको छायाँदेवी चेतनाथ गजल पुरस्कार गजलकार प्रकृति प्रेमीलाई

माघ २५, २०७७ आइतबार ७:४५:४२ | उज्यालो सहकर्मी

काठमाण्डौ - २०७६ सालको छायाँदेवी चेतनाथ गजल पुरस्कार गजलकार प्रकृति प्रेमी (मनोज भुजेल) लाई प्रदान गरिएको छ ।

समीर गजल सङ्ग्रहका गजलकार प्रकृति प्रेमीलाई शनिवार एक कार्यक्रमकाबीच साहित्यकार जे सागरका पिता चेतनाथ पराजुलीले नगद पुरस्कार दश हजार रुपैयाँ र प्रशंसा प्रत्र प्रदान गर्नुभएको हो ।

साहित्यकार जे सागरले आफ्ना मातापिताको नाममा ३ वर्षअघि स्थापना गर्नुभएको यो पुरस्कार हरेक वर्ष प्रकाशित गजल सङ्ग्रहहरुमध्ये उत्कृष्ट एउटा सङ्ग्रहलाई प्रदान गर्ने गरिएको छ । यो पुरस्कार यो वर्ष प्रकृति प्रेमीलाई प्रदान गरिएको हो ।

गजलकार प्रकृति प्रेमी अहिले चितवनमा रहनुभएकाले उहाँको प्रतिनिधित्व गरी अर्का गजलकार विपिन स्वाँरले काठमाण्डौमा पुरस्कार ग्रहण गर्नुभएको हो । हरेक वर्ष भदौ १० गते प्रदान गरिंदै आएको यो पुरस्कार यो वर्ष कोरोनाका कारण ढिलागरी दिइएको पुरस्कार संयोजक अच्युत घिमिरेले बताउनुभयो ।

गजलकार प्रकृति प्रेमीले छायाँदेवी चेतनाथ गजल पुरस्कार प्राप्त गरेपछि आफूलाई अध्ययन र स्तरीय लेखनका लागि थप उत्साह मिलेकाे बताउँदै खुसी व्यक्त गर्नुभएकाे छ । उहाँले अबका दिनमा आफू साहित्य सिर्जना तथा लेखनमा निरन्तर लागिरहने बताउनु भएकाे छ ।

'यत्ति भए पुग्छ' गजल सङ्ग्रहका गजलकार जे सागरले आफ्ना मातापिता छायाँदेवी पराजुली र चेतनाथ पराजुलीका नाममा स्थापित गर्नुभएको यो पुरस्कार २०७४ सालमा सम्पादक आवाज शर्मा र २०७५ सालमा गजलकार टक गुरुङलाई प्रदान गरिएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्