'विदेशमा काम गर्ने हो भने भिजिट भिसामा होइन श्रम स्वीकृति लिएर जानुहोस्'

पुष ७, २०७७ मंगलबार ११:६:२८ | उज्यालो सहकर्मी

काठमाण्डौ – राम्रो कमाइको आश्वासन देखाएर मनलाग्दी रकम उठाउने अनि रोजगारीका लागि भिजिट भिसामा पठाएर अलपत्र पार्ने प्रवृत्ति नयाँ होइन । तर महामारीकै समयमा पनि भिजिट भिसामा खाडी र मलेसियाजस्ता देशमा पठाउन म्यानपावर र ट्राभल एजेन्सीहरुमा श्रमिकका पासपोर्टहरु जम्मा हुन थालेका छन् । कतिपय गन्तव्य देशमा पुगेर अलपत्र परेका छन् भने कतिको रकम लिएर एजेण्ट फरार भएका छन् । यस्तो कार्य गर्ने कतिपय म्यानपावरमा वैदेशिक रोजगार विभागले छापा मारेको छ भने कतिपय म्यानपावरको कारोबार रोक्का पनि गरेको छ । तर यो क्रम रोकिएको छैन । एजेण्ट र म्यानपावरमार्फत गैरकानूनी रुपमा अन्तर्वार्ता लिने र रकम उठाउने र श्रमिकलाई भिजिट भिसामा पठाउने काम भइरहेको छ ।यस्तो प्रवृति रोक्न विभागले चाहिँ के गरिरहेका छ त ? यो प्रश्न हामीले वैदेशिक रोजगार विभागमा महानिर्देशक कुमार दाहाललाई सोधेका छौं ?

महानिर्देशक दाहालको जवाफ :

भिजिट भिसा सम्बन्धी ठगीका मुद्धाहरु घटेका छैनन् निरन्तर नै छन् । भिजिट भिसामा जानुको प्रमुख कारण भनेको यहाँको गरिबी र बेरोजगारी नै हो । यस्तै जसरी पनि बाहिर जानैपर्ने हामीहरुको सोख वा बाध्यता पनि हो ।

जतिसुकै पैसा तिरेर पनि जान चाहने एउटा समूह र त्यो समूहलाई चलाउने अर्को समूह छ । जसले भिजिट भिसामा जान बाध्य बनाइरहेको छ । कोरोनाको समयमा भिजिट भिसामा ठगीने क्रम केही रोकिएको भए पनि अहिले अवस्था सामान्य हुँदै जाँदा भिजिट भिसामा ठगिएका घटना बढिहेका छन् ।

हुन त विगत १०, १५ वर्षदेखि यो निरन्तर नै छ । तर अहिले आएर ह्वात्तै व्यवसाय फस्टाएको हुनाले अथवा कोरोनापछिको असर भएकाले यो बढेको देखिएको हो ।

विभिन्न प्रकारका प्रलोभन देखाएर भिजट भिसामा पठाउने र त्यहाँ भनेअनुसारको कामदेखि अरु सेवासुविधा केही पनि नपाउँदा विभागमा यस्ता घटनासँग सम्बन्धी उजुरीहरु पनि बढिरहेका छन् ।

हाम्रा श्रमिकमा त्यति सचेतना पनि छैन । भिजिट भिसामा गएर त्यहाँ काम गर्न खोज्दा धेरै ठूलो समस्यामा परिन्छ । हामीहरुको ठगीने प्रवृत्ति, चेतनाको कमी र रोजगारीको खोजी लगायत कारणले भिजिट भिसामा जाने गरेका छन् तर नीतिगत रुपमा यो गलत हो ।

वैदेशिक रोजगार विभागको दृष्टिकोणले हेर्दा विदेश जानुभन्दा पहिले कामदारको सुरक्षा, उनीहरुको दक्षता आदिबारे बुझ्नुपर्छ । भिजिट भिसामा जानु कुनै गलत कुरा होइन तर प्रक्रिया गलत भइरहेको छ । हामीले बेलाबेला म्यानपावरमा स्टिंग अप्रेशन पनि गरिरहेका छौं ।

जसले भिजिट भिसामा जान बाध्य बनाइरहेको छ । कोरोनाको समयमा भिजिट भिसामा ठगीने क्रम केही रोकिएको भए पनि अहिले अवस्था सामान्य हुँदै जाँदा भिजिट भिसामा ठगिएका घटना बढिहेका छन् ।

हामीले विभिन्न तरिकाले अनुगमन गरिरहेका हुन्छौं ।

यसमा ठगीको सबै प्रक्रिया गैर कानुनी तरिकाले अन्तर्वार्ता लिने, कानुनविपरीत काम गर्ने गरेको देखिन्छ । यी ठगीका कुराहरुलाई रोक्नको लागि विभाग एक्लैले सक्दैन । यो सबैको जिम्मेवारीभित्र पर्ने क्षेत्र हो ।

निजी क्षेत्रलाई पनि हामीले ठूलो विश्वास गरेका छौं । उहाँहरुले पनि कानुनको दायरामा बस्नुपर्यो । नीति नियम र अनुशासनमा बसेर यसको अनुगमन कार्यदेखि लिएर निगरानी गर्ने काम विभागले गरिरहेको छ । कानुन उल्लंघन गर्ने कसैलाई पनि हामीले छाड्दैनौँ ।

कामदारको ठगी, संस्थागत वा व्यक्तिगत ठगी लगायत सबै प्रकारका गैरकानुनी कामलाई हामी निगरानी गरिरहेका छौं । यस्तो खालको गैरकानुनी काम गर्नेहरुको सुरुमा त हामीले व्यवसाय बन्द गर्छौं । त्यसपछि त्यो कामको प्रकृति कस्तो छ, अनुसन्धानको आधारमा के देखिन्छ, कस्ता खालका काम गरेका छन् लगायतका विषयलाई केलाएर उनीहरुको व्यवसाय बन्द गर्नेदेखि जरिबाना तोक्ने सम्मका कारबाही हुन्छन् ।

भिजिट भिसाको नाममा वैदेशिक रोजगारीमा जानको लागि पैसा बुझाएको वा अलपत्र परेकालाई विभागमा सम्पर्क गर्न पनि हामीले भनिरहेका छौं । त्यो भन्दा पहिले हामीले श्रमको लागि भिजिट भिसामा नजानुस् भनेर पनि सूचना जारी गरेका थियौं ।

सामाजिक सञ्जालमा रोजगारीका अवसर भनेर आउँछन् त्यसमा हत्तपत्त विश्वास नगर्नुस्, बुझेका मानिससँग सल्लाह लिएर मात्र रोजगारीमा जानुस् ।

त्यसपछि केही म्यानपावर कम्पनीले भिजिट भिसामा पठाइरहेका छन् भन्ने सुराकी थाहा पाएपछि हामीले स्टिंग अप्रेशन गरेर उनीहरुलाई नियन्त्रण गरेका छौं । त्यसैले भिजिट भिसामा भनेर श्रमको लागि जाँदै नजान हामी आग्रह गर्दर्छौं ।

आफ्नो योग्यता र क्षमताको परख गरेर त्यही अनुसार वैदेशिक रोजगारीको बारेमा सोच्नुहोस् । काम गर्नको लागि जाने हो भने श्रम गरेर मात्रै जानुहोस् ।

सामाजिक सञ्जालमा रोजगारीका अवसर भनेर आउँछन् त्यसमा हत्तपत्त विश्वास नगर्नुस्, बुझेका मानिससँग सल्लाह लिएर मात्र रोजगारीमा जानुस् । पालिकाहरुमा गएर पनि यसबारे बुझ्न सकिन्छ ।

विभागको वेबसाइटमै गएर हेर्न सकिन्छ, त्यसमा विदेशमा रोजगारीका अवसरहरुको बारेमा पनि जानकारी उपलब्ध गराइएको छ । आफू फसिसकेपछि गाह्रो हुन्छ, त्यही भएर होस् पुर्याएर विदेश जाँदा पछि हुने ठगी र दुःखबाट जोगिन सकिन्छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

topendra kami
Dec. 22, 2020, 12:59 p.m.
भनेको जस्तो सजिलो कहाँ हुन्छ र ...सबै पैसा खान बसेका छन्/
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'विदेशमा काम गर्ने हो भने भिजिट भिसामा होइन श्रम स्वीकृति लिएर जानुहोस्'

महानिर्देशक दाहालको जवाफ :

1 Comments

topendra kami

तपाईको प्रतिक्रिया

तपाईको प्रतिक्रिया