भत्ताकाे रकम महिलाकाे हातबाट थुतेर भागे, सीसीटीभी क्यामेराकाे सहायतामा पक्राउ

मंसिर १६, २०७७ मंगलबार १६:५५:१४ | निमेन्द्र शाही

बाजुरा – बाजुराको सदरमुकाम मार्तडीमा गएको बुधबार दिउँसो बैंक अगाडिबाट एक जना महिलाले बुझेको अपाङ्ग भत्ताबापतकाे रकम थुतेर भाग्ने युवक पक्राउ परेका छन् ।

गएको बुधबार दिउँसो राष्ट्रिय वाणिज्य बैंकबाट अपाङ्ग भत्ता बुझेर गेटमा पैसा गनिरहेकी महिलाको हातबाट थुतेर फरार रहेका युवकलाई उनकै घरबाट पक्राउ गरिएको बाजुराका प्रहरी प्रमुख तथा प्रहरी नायब उपरीक्षक (डीएसपी) मदनजित महराले बताउनुभयो ।

बडीमालिका नगरपालिका ९ का गोपाल विक पक्राउ परेका हुन् । गोपालले छोरीको अपाङ्ग भत्ता बुझ्न आएकी बडीमालिका १ की भना कार्कीको हातबाट पैसा थुतेर भागेको र बैंकको सीसी क्यामराको सहयोगमा उनी पक्राउ परेको डीएसपी महराले जानकारी दिनुभयो ।

ती महिलाले भत्ताबापतको आठ हजार रुपैयाँ बुझेर गनिरहेको र त्यो पैसा थुतेर लगेको सीसीटीभी क्यामरामा देखिएको भिडिओकोे आधारमा युवकलाई घरबाटै पक्राउ गरिएको प्रहरीले जनाएको छ । ती युवकसँग संलग्न गैरी बजारका प्रकाश विक पनि पक्राउ गरेका छन् ।

गोपाल घर पुग्ने बित्तिकै चोरेर लिएको पैसा आफन्तको जिम्मा लगाएको र हुलिया परिवर्तन गर्न खोज्दा पक्राउ परेको प्रहरीले जनाएको छ । ती युवकले यसअघि पनी धेरै ठाउँमा चोरी गरेको उजुरी आएको प्रहरीले जनाएको छ ।

बाजुरामा केही महिना यता चोरीमा संलग्न ७० जनाभन्दा बढीलाई पक्राउ गरी आवश्यक कारबाहीको दायरामा ल्याएको जिल्ला प्रहरी कार्यालयले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्