स्याङ्जामा विभिन्न मुद्दामा फरार रहेकामध्ये एकैदिन ४८ जना पक्राउ

असोज ५, २०७७ सोमबार १०:२८:३० | राधाकृष्ण डुम्रे

स्याङ्जा - स्याङ्जामा विभिन्न मुद्दामा फरार रहेकामध्ये एकैदिन ४८ जना पक्राउ परेका छन् ।

जिल्ला प्रहरी कार्यालय स्याङ्जा तथा विभिन्न प्रहरी कार्यालयबाट खटिएको प्रहरी टोलीले हिजो एकैदिन उनीहरुलाई पक्राउ गरेको जिल्ला प्रहरी कार्यालयका प्रवक्ता राजेन्द्रप्रसाद अधिकारीले जानकारी दिनुभयो । कर्तव्य ज्यान, हाडनाता करणी, लागुऔषध, अंशवण्डा, सम्बन्धविच्छेद, कुटपिट लगायतका विभिन्न मुद्दा लागेपछि फरार भएका उनीहरुलाई पक्राउ गरी अदालतमा उपस्थित गराएको हो ।

पक्राउ पर्नेहरुमा हाडनाता करणी मुद्दामा २ वर्ष कैद तोकिएपछि २३ वर्षदेखि फरार रहेका हरिनास गाउँपालिका ५ का ६४ वर्षका कर्णबहादुर भट्ट क्षेत्री, सवारी ज्यान मुद्दामा २ वर्ष कैद तोकिएपछि विगत १५ वर्षदेखि फरार रहेका चापाकोट नगरपालिका ४ का भक्त सुनारी मगर, डाँका चोरी मुद्दामा ६ वर्ष कैद तोकिएर विगत १० वर्षदेखि फरार रहेका हरिनास १ का ६२ वर्षका लालबहादुर नाम्जालीलगायत रहेका अधिकारीले जानकारी दिनुभयो ।

जिल्ला प्रहरी कार्यालय स्याङ्जाले सञ्चालन गरेको फरार प्रतिवादी पक्राउ अभियान अन्तर्गत एक महिनामा ८३ जना प्रतिवादीलाई पक्राउ गरी जिल्ला अदालतमा उपस्थित गराइएको प्रवक्ता अधिकारीले बताउनुभयो । केहीलाई कैद भुक्तानका लागि कारागार चलान गरिएको प्रहरीले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्