फुटपाथमा अटो वर्कशपको काम गर्न नपाइने

भदौ २९, २०७७ सोमबार २०:२८:९ | उज्यालो सहकर्मी

ललितपुर – ललितपुर महानगरपालिकामा सञ्चालित अटो वर्कशपहरु व्यवस्थित गरिने भएको छ ।

ललितपुर महानगरपालिकाको नगर प्रहरी बलले (सडक, पेटी) फुटपाथ अतिक्रणविरुद्धको अभियान सञ्चालन गरेर पहिलो चरणमा पसल अगाडि रहेका, फुटपाथमा भइरहेको अटो वर्कशपका काम बन्द गराउने भएको हो ।

ललितपुर महानगरपालिकाका नगर प्रहरी प्रमुख सीताराम हाछेथुले नेपाल अटो मेकानिक्स व्यवसायी सङ्घसँच छलफल गरी आवश्यक काम कारबाही अघि बढाउन लागेको जानकारी दिनुभयो । नगर प्रहरी प्रमुख हाछेथु र सङ्घका अध्यक्ष राजकुमार बिकेसहितको टोलीसँग आइतबार यस विषयमा छलफल भएको छ ।

अटो वर्कशपहरुले फुटपाथमै काम गर्ने र कतिपयले व्यवसाय नै सञ्चालन गरेको पाइएको र पैदलयात्रीलाई आवत जावत गर्न पनि समस्या भइरहेकाले यस्तो नगर्न सङ्घलाई पत्राचार गरिएको हाछेथुले जानकारी दिनुभयो । उहाँले असोज १ गतेदेखि यस्ता वर्कशपलाई नियमअनुसार कारबाही गरिने जानकारी दिनुभयो ।

यसैगरी सामुदायिक प्रहरी र सरोकारवाला निकायसँग सहकार्य गरी फुटपाथबाट निर्माण सामग्री र पसलहरु हटाउँदै जाने योजना रहेको ललितपुर महानगरपालिकाको नगर प्रहरी बलले जनाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्