५ औं चरणको उद्धार उडान सुरु, १५ दिनमा ४३ उडानमार्फत ७ हजार नेपाली फर्काइने

भदौ १, २०७७ सोमबार ९:५०:८ | उज्यालो सहकर्मी

काठमाण्डौ – पाँचौ चरणको उद्धार उडान आजदेखि सुरु भएको छ ।

कोरोना भाइरसको सङक्रमणका कारण अन्तर्राष्ट्रिय उडान बन्द हुँदा विदेशमा रोकिएका नेपाली नागरिकको उद्धारका लागि पाँचौं चरणको उद्धार उडान सुरु हुने भएको हो । अबको १५ दिन अर्थात् अगष्ट ३१ तारिखसम्म ४० भन्दा बढी उडानबाट नेपालीलाई घर ल्याइँदैछ ।

कोभिड १९ संकट व्यवस्थापन केन्द्र सीसीएमसीले शुक्रबार पाँचौं पटक थप ४३ वटा उडानलाई अनुमति दिएको छ । यी उडानबाट झण्डै ७ हजार नेपाली स्वदेश फर्किन पाउनेछन् । नेपाल एअरलाइन्सले १७, हिमालय एअरलाइन्सले १५ र अन्य विदेशी एअरलाइन्सले ११ वटा उडानको अनुमति पाएका छन् ।

भदौ १५ गतेदेखि भने नियमित उडान गर्ने तयारी छ । कोरोना भाइरसको महामारी रोक्न भन्दै गएको चैत ९ गतेदेखि सरकारले हवाइ उडान बन्द गरेको हो । उद्धार र चार्टड उडान सञ्चालन भए पनि नियमित उडान भने भएका छैनन्।

५१ हजारभन्दा धेरै नेपाली फर्किए गएको जेठ ३२ गतेदेखि सरकारले विदेशमा समस्यामा रहेका नेपालीको स्वदेश फिर्तीका लागि चार्टर्ड उडानहरु सञ्चालन गरेसँगै ५१ हजारभन्दा धेरै नेपाली स्वदेश आइपुगेका छन् । साउन ३० गतेसम्म विभिन्न ३० देशबाट हवाईमार्ग हुँदै ५१ हजार ४४१ जना स्वदेश फर्किएको कोभिड १९ क्राइसिस म्यानेजमेन्ट कमिटि सीसीएमसीले जनाएको छ ।

खाडीका देश ओमानबाट ८ सय ११ जना, कतारबाट ६ हजार १९१ जना, कुवेतबाट ६ हजार ३ सय २९ जना, यूएईबाट १४ हजार ३१४ जना, साउदीबाट ७ हजार ८ सय १७ जना, बहराइनबाट ९८० जना र मलेसियाबाट ७ हजार ६४२ जना स्वदेश आइपुगेका छन् ।

अन्य यूरोपियन देशसँगै अमेरिकाबाटसमेत नेपालीहरुलाई चार्टर्ड उडानमार्फत स्वदेश ल्याइएको छ । अफगानिस्तानबाट ५० जना, अस्टे«लियाबाट ९४३ जना, म्यानमारबाट २६ जना, जापानबाट १२ सय ८२ जना, थाइल्याण्डबाट ३२६ जना, दक्षिण कोरियाबाट ९६७ जना, बंगलादेशबाट ८४१ जना, माल्दिभ्सबाट ७०९ जना, श्रीलंकाबाट ५ जना, सिंगापुरबाट २९७ जना स्वदेश आइपुगेका सीसीएमसले जनाएको छ ।

यस्तै, हङ्कङबाट ८९ जना, पाकिस्तानबाट ७२ जना, अमेरिकाबाट ४२३ जना, बेलायतबाट २२९ जना, इजरायलबाट १२७ जना, चिनबाट २०८ जना, टर्कीबाट ११० जना, फिलिपिन्सबाट २०१ जना, स्विजरल्याण्डबाट १० जना, दक्षिण सुडानबाट २५० जना, सीएआरबाट ६८ जना र इराकबाट ३९ जना स्वदेश आइपुगेका छन् ।

भारतबाट स्थलमार्ग हुँदै कतिजना फर्किए भन्ने यकिन तथ्याँक छैन । तर हवाइमार्ग हुँदै ८५ जना स्वदेश आएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्