यूएईमा एकै ठाउँमा दुई नेपालीको हत्या : एकको पहिचान खुल्यो, एकको बाँकी

साउन ३२, २०७७ आइतबार १७:५०:२१ | उमाकान्त पाण्डे

यूएई – यूएईमा हत्या भएका दुई नेपालीमध्ये एकको परिचय खुलेको छ ।

यूएईको सारजाहमा साउन २४ गते हत्या भएका दुई नेपालीमध्ये एकको परिचय खुलेको यूएईमा रहेको नेपाली दूतावासले जनाएको छ । हत्या हुनेमा तनहुँ भगवतीपुर ७ का ३६ वर्षिय मंगलराज श्रेष्ठको पहिचान भए पनि अर्का एक नेपालीको भने पहिचान खुलेको छैन ।

गएको साउन २४ गते शनिबार सारजाहमा दुई नेपालीको हत्या भएको यहाँका स्थानीय सञ्चार माध्यममा समाचार प्रकाशन भएपछि दूतावासले चासो लिएको छ । पहिचान खुलेका श्रेष्ठको शरीरमा २० ठाउँमा छुरा प्रहार भएको छ । अर्का नेपालीको शरीरमा पनि त्यस्तै धारिलो हतियार प्रयोग गरेर हत्या भएको दूतावासको भनाइ छ ।

घटनाको प्रारम्भिक विवरण अनुसार दुई जनाबीच आपसी विवाद हुँदा एक अर्काको हत्या भएको भनिए पनि घटनाबारे थप अनुसन्धान भइरहेको र घटनामा संलग्न भएको आशंकामा केही पक्राउ परेका यूएईको स्थानीय सञ्चारमाध्यम गल्फ न्युजले उल्लेख गरेको छ ।

एउटै घटनामा दुई नेपालीको हत्या भएको जानकारी दूतावासलाई भए पनि स्थानीय प्रसाशनले अनुसन्धान गरिरहेकाले पूर्ण विवरण आउन बाँकी रहेको दूतावासका प्रवक्त्ता तथा उपनियोग प्रमुख रीता धितालले बताउनुभयो ।

घर फर्कन पाएनन् मंगलराज

दुई वर्ष पहिले मंगलराज नेपालबाट बहराइन जानुभएको थियो । बहराइनमा काम गर्दा गर्दै अनलाइनमार्फत यूएईमा काम खोजेर बहराइनबाटै यूएई आएको मृतकका जेठान कर्मा लामाले उज्यालोलाई जानकारी दिनुभयो ।

एक वर्ष अघिदेखि यूएईमा कार्यरत मंगलराज घरमा पालेका चराचुरुङ्गीलाई रेखदेखको काम गर्ने आफन्तले बताएका छन् । उहाँको घर जाने योजना थियो ।

घरबिदामा नेपाल फर्कन उहाँले भदौ १ गतेको टिकट काट्नुभएको थियो । हातमा टिकट र साथमा घर फर्कने योजना लिएर मंगलराज यूएईमै अस्ताउनुभएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यूएईमा एकै ठाउँमा दुई नेपालीको हत्या : एकको पहिचान खुल्यो, एकको बाँकी

घर फर्कन पाएनन् मंगलराज​

तपाईको प्रतिक्रिया

घर फर्कन पाएनन् मंगलराज