विदेशमा सङ्कटमा परेका नेपालीको तत्कालै निःशुल्क उद्धार गर : मानव अधिकार आयोग

साउन २९, २०७७ बिहीबार १७:०:४८ | रासस

काठमाण्डाै – राष्ट्रिय मानव अधिकार आयोगले विदेशमा रहेका नेपाली कामदारको अधिकार संरक्षण गर्न तत्काल आवश्यक एवं प्रभावकारी कदम चाल्न सरकारलाई आग्रह गरेको छ ।

विदेशमा रहेका नेपाली कामदार कोरोना महामारीको चपेटामा परेको विषयमा तयार पारिएको प्रतिवेदन सार्वजनिक गर्दै आयोगले गन्तव्य देशले एकतर्फी रुपमा करार भङ्ग गर्ने, बेतलबी बिदामा बस्न बाध्य पार्ने तथा कामबाट निष्कासन गर्नेलगायतका गैरकानुनी काम गरिरहेको भन्दै यसलाई रोक्न कुटनीतिक पहल गर्न सरकारलाई आग्रह गरेको हो ।

काम गरेको अवधिको पूरा तलब, सुविधा र भुक्तानी नदिने, मापदण्डभन्दा धेरै समय वा जोखिमयुक्त अवस्थामा काम गराउने जस्ता श्रम अधिकार हनन हुनबाट नेपाली श्रमिकलाई संरक्षण गर्न पनि आयोगले सुझाएको छ । सङ्कटमा परेका नेपालीलाई स्वदेश फर्काउनको लागि हवाई टिकटको रकम श्रमिकले नभइ सरकारले नै व्यहोर्नुपर्ने पनि आयोगले जनाएको छ ।

विदेशमा अन्यायमा पारिएका नेपाली श्रमिकहको न्यायमा पहुँच तथा क्षतिपूर्तिको सुनिश्चितता गर्न गन्तव्य देशका सरकार, रोजगारदाता र नेपालमा रहेका श्रमिक भर्ना गर्ने निजी संस्थालाई जिम्मेवार बनाउन पनि आयोगले अध्ययन प्रतिवेदनमार्फत सिफारिस गरेको छ ।

आयोगले बेखर्ची, रोजगारदाताले हवाई टिकट उपलब्ध नगराएका र कागजातविहीन आप्रवासी नेपाली श्रमिकलाई अन्तर्राष्ट्रिय हवाई भाडा, यातायात तथा खाना खर्च र यात्राका क्रममा आवश्यक खानेपानी, खाना, आवास आदिको व्यवस्था गर्न पनि सिफारिस गरेको छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्