वैदेशिक रोजगार विभागका राहत, उद्धार तथा मुद्दासँग सम्बन्धित काम नरोकिने, इमेलमार्फत निवदेन दिनुपर्ने

साउन २९, २०७७ बिहीबार १२:१५:६ | उज्यालो सहकर्मी

काठमाण्डौ – कोरोना महामारीका कारण वैदेशिक रोजगार विभागका अन्य सेवाहरु बन्द भए पनि केही अत्यवाश्यक सेवा भने बन्द नहुने विभागले जनाएको छ ।

राहत, उद्धार तथा मुद्दासँग सम्बन्धित कामहरु हुने विभागले जनाएको हो ।

वैदेशिक रोजगार विभागका अनुसार कोरोना सङ्क्रमणको फैलावटलाई मध्यनजर गर्दै राहत उद्धार शाखा र अनुसन्धान तथा मुद्दा शाखासँग सम्बन्धित सम्पूर्ण उजुरीहरु विभागको इमेलबाट मात्र हेरिनेछ ।

यस्तै राहत, उद्धार शाखाबाट प्रदान गरिने आर्थिक सहायता सम्बन्धी सिफारिस लिन तथा उद्धारको लागि निवेदन पेश गर्न विभागमा आउनै पर्ने अवस्था भएमा सेवाग्राहीले अनिवार्य स्वास्थ्य मापदण्ड पालना गर्नुपर्नेछ ।

संस्था दर्ता शाखाबाट प्रदान गरिने सेवाहरुमध्ये संस्था नवीकरण सम्बन्धी कार्य र वार्षिक प्रगती विवरण बुझ्ने कार्य मात्र गरिने विभागले जनाएको छ । नवीकरण भएको इजाजतपत्र भने अर्को सूचना जारी भएपछि मात्र वितरण गरिनेछ ।

यस्तै जुनसुकै सेवा सम्बन्धी सोधपुछ तथा ताकेता इमेल तथा टेलिफोनमार्फत मात्र गर्न सकिने विभागले जनाएको छ । सेवाग्राहीले आफ्ना सेवा सम्बन्धी उजुरीहरु विभागको इमेल [email protected] र [email protected] मार्फत दिन विभागले आग्रह गरेको छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्