विभिन्न देशबाट ११ हजारभन्दा धेरै नेपाली स्वदेश फर्किए, कुन देशबाट कति फर्किए  ?

 असार १४, २०७७ आइतबार १०:५९:३१ | उज्यालो सहकर्मी
unn.prixa.net

काठमाण्डौ – शनिबारसम्ममा विभिन्न देशबाट ११ हजारभन्दा धेरै नेपाली स्वदेश फर्किएका छन् ।

सरकारले विदेशमा समस्यामा परेका नेपालीको स्वदेश फिर्ती सुरु गरेपछि चार्टर्ड उडानमार्फत ११ हजार ३ सय ७१ जना नेपाली स्वदेश फर्किएको परराष्ट्र मन्त्रालयका प्रवक्ता भरतराज पौडेलले जानकारी दिनुभयो । 

कोरोनाको कारण रोजगारी गुमाएका, समस्यामा परेका, बिरामी, गर्भवती, ज्येष्ठ नागरिक, भिसा सकिएका लगायतका प्राथमिकता छुट्टाएर नेपालीलाई स्वदेश ल्याउने काम भइरहेको छ । यो निरन्तर प्रक्रिया भएको र समस्यामा परेकालाई ल्याउने क्रम चलिरहेको प्रवक्ता पौडेलले बताउनुभयो । सरकारले पहिलो चरणमा अति नै समस्यामा परेका ३० देशबाट २४ हजार १४८ जनाको स्वदेश फिर्तीको लागि प्राथमिकता छुट्टाएको थियो । 

खाडीका देश र मलेसियासँगै अन्य विभिन्न देश अमेरिका, अस्ट्रेलिया, जापान लगायतका देशबाट पनि नेपालीहरु आइरहेका छन् । नेपाल एअरलाइन्स र हिमालय एअरलाइन्ससँगै अन्य विदेशी जहाज पनि नेपाली लिएर आइरहेका छन् । 
आज पनि मलेसिया र कतारको दोहामा समस्यामा परेका नेपाली लिन हिमालय र नेपाल एअरलाइन्सका जहाज जाँदैछन् ।

नेपाल एअरलाइन्सको जहाज आज राति कतारको दोहा र मलेसियाको क्लालाम्पुर जाँदैछ भने हिमालय एअरलाइन्सको चार्टर्ड जहाज पनि नेपाली लिन मलेसिया जाने त्रिभुवन विमानस्थलले जनाएको छ । आज भने कुनै पनि देशबाट नेपाली फर्कने उडान तालिका छैन । 

कुन देशबाट कति फर्किए  ?

शनिबारसम्म सबैभन्दा धेरै कुवेतबाट २ हजार २ जना नेपाली स्वदेश फर्किंएका छन् । यस्तै यूएईबाट २ हजार १७ जना, साउदी अरेबियाबाट १२ सय १८, मलेसियाबाट ९२१, बङ्गलादेशबाट ८१५, कतारबाट ६३८, माल्दिभ्सबाट, ६०४ जना, जापानबाट ४९२, अस्ट्रेलियाबाट २६९, बहराइनबाट ४२०, थाइल्याण्डबाट ३२६, ओमानबाट ३१३ नेपाली स्वदेश फर्किएका हुन् । 

यस्तै, अमेरिकाबाट ४८३, दक्षिण कोरियाबट २२८, सिङ्गापुरबाट १४६, बेलायत २२९, हङकङबाट ८९, पाकिस्तान ७२, म्यानमारबाट २६,  अफगानिस्तानबाट १८ र श्रीलंकाबाट ५ जना नेपाली स्वदेश फर्किएका हुन् ।

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • prem bideha

    June 28, 2020, 11:13 a.m.

    समाचारको लागि धन्यवाद ! सरकारले पैसा लिएर ल्याएको हो कि निःशुल्क ? स्पष्ट गर्नुहोस् ।

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई