बहराइनबाट पहिलो उडानमार्फत १५० नेपाली आइपुगे, आजै यूएई, कुवेत, पाकिस्तान र माल्दिभ्सबाट पनि नेपाली फर्कंदै

असार ८, २०७७ सोमबार १०:५०:१६ | उज्यालो सहकर्मी

काठमाण्डौ – बहराइनबाट पहिलो उडानमार्फत १५० जना नेपाली स्वदेश आइपुगेका छन् । कोरोनाको कारण त्यहाँ समस्यामा परेका नेपालीहरु नेपाल एअरलाइन्सको चार्टर्ड जहाजमार्फत स्वदेश फर्किएका हुन् । जहाजमा तीन नेपालीको शव पनि ल्याइएको छ ।

यस्तै आज एअर अरेबियाको चार्टर्ड जहाजमार्फत यूएईबाट नेपालीहरु फर्कंदै छन् भने पाकिस्तानमा रहेका नेपाली लिन हिमालय एअरलाइन्स त्यसतर्फ गइसकेको छ । हिमालयले ५६ जना पाकिस्तानी नागरिक र १६ जना नेपाली लिएर गएको छ ।

फर्कंदा कति नेपाली ल्याउँछ भन्ने यकिन नभएको त्रिभुवन अन्तर्राष्ट्रिय विमानस्थलले जनाएको छ । यस्तै आज माल्दिभ्सबाट पनि त्यहाँ समस्यामा रहेका नेपाली फर्कंदैछन् भने कुवेतले जजिरा एअरमार्फत त्यहाँ आममाफीमा सहभागी नेपालीलाई ल्याइदिनेछ ।

यस्तै, हिजाे विभिन्न देशमा समस्यामा परेका १५ सय ५१ जना नेपाली स्वदेश फर्किएका छन् ।कोरोनाका कारण अन्तर्राष्ट्रिय उडान बन्द हुँदा विभिन्न देशमा समस्यामा रहेकाहरु ८ चार्टर्ड उडानमार्फत स्वदेश फर्किएका हुन् । हिजाे सबैभन्दा धेरै यूएईबाट तीन उडानमार्फत पाँच सय ९७ जना नेपाली स्वदेश फर्किएका छन् ।

साउदीको रियादबाट १ बच्चासहित २४६ जना, कतारको दोहाबाट तीन बच्चासहित १४६ जना, कुवेतबाट पाँच बच्चासहित १६१ जना, बंगलादेशको ढाकाबाट २४५ जना, मलेसियाबाट १५६ जना स्वदेश फर्किएकाे त्रिभुवन अन्तर्राष्ट्रिय विमानस्थलले जनाएकाे छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्