आबुधाबीमा अलपत्र परेका ४ जना नेपालीको उद्धार

असार ७, २०७७ आइतबार ९:५९:४८ | उज्यालो सहकर्मी

यूएई – यूएईको आबुधाबीमा अलपत्र परेका ४ जना नेपालीको उद्धार भएको छ ।

एजेण्टले यूएईमा ल्याएर अलपत्र पारेका उनीहरुलाई आबुधाबी राहत वितरण तथा उद्धार समूहले उद्धार गरेको हो । बाग्लुङ घर भएका ओमबहादुर कुँवर, लोकेन्द्र थापा, टीका तामाङ र कर्ण लोप्चनको उद्धार गरी आबुधाबीमा राखिएको छ ।

४ महिनाअघि नेपालमा रहेका एजेण्ट बोमबहादुर पुनमार्फत ११ जना नेपाली भिजिटमा यूएई आएका थिए । उनीहरुमध्ये दुईजना भने नेपाल फर्किसकेका छन् । अन्य ५ जना यहाँ रहेका आफन्तसँग छन् । दुबईको अलरिगामा बस्दै आएका उनीहरुलाई एजेण्टले कोठा भाडा नतिरिदिएपछि कोठा धनीले निकालिदिएका थिए ।

बस्ने बास नै नभएपछि उनीहरु अलपत्र परेका थिए । नेपाल फर्काइदिन गुहार माग्दै मंगलबार दुबईबाट दूतावास आएको र दूतावासमा आफ्नो समस्या राख्दै नेपाल फर्कन अनुरोध गरिएको पीडितले बताएका छन् । ‘हामीले दूतावासका कर्मचारीकै सहयोगमा फारम भरिसकेका छौं, आशा छ अब घर जान पनि पाइएला,’लोकेन्द्र थापाले उज्यालोसँग भन्नुभयो, ‘एकदिन एनआरएनका सरले खानबस्नको व्यवस्था गरिदिनुभयो, तर भोलिपल्ट फेरि के गर्ने भएको थियो, अहिले बास पनि पायौं ।’ बस्ने बास र गाँसको टुङ्गो नहुँदा दुई दिन पार्कमा र चौरमा सुत्न परेको उनीहरु बताउँछन् । एजेण्टलाई २ लाख ५० हजार रुपैयाँ उनीहरु यूएई आएका हुन् ।

तर यहाँ आएपछि भने गोरखा घर भएका एजेण्ट पुष्पराज न्यौपानेलाई १ हजार डलर बुझाएको लोकेन्द्र थापाले बताउनुभयो । लोकेन्द्रले भन्नुभयो, ‘हामीलाई होटलको काम लगाइदिने भनेर ल्याइएको थियो, एक महिनासम्म काम पाइएन, त्यसपछि लकडाउन सुरु भयो, एजेण्ट पनि त्यसपछि फेरिए, वास्ता गर्न छाडे ।’

अहिले उनीहरुलाई आबुधाबी राहत वितरण तथा उद्धार समूहले खान र बस्नको व्यवस्था गरिरहेको छ । चार जनाको अवस्था थाहा पाएपछि समूहकातर्फबाट प्रकाश पौडेल, कृष्ण गौतम र दुर्योधन कार्की लगायतले उद्धार गरेका थिए । समूहका निमा शेर्पाको संयोजनमा बस्नको व्यवस्थापन गरिएको र खाद्यान्न सामाग्री उपलब्ध गराएको समूहका कृष्ण गौतमले जानकारी दिनुभयो । तत्कालका लागि खान बस्नको व्यवस्थापन भएको र नेपाल फर्काउन दूतावाससँग थप समन्वय गर्ने समूहले जनाएको छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्